Posts

Showing posts from July, 2013

ඩ්‍රැකියගෙ අඩවියෙ නිතර සැරිසරන්නෝ

රුහිරෙන් පුදමි - 2 කොටස

Image
මෙතෙක් කතාව කන්‍යාරාමයේ නේවාසිකාගාර කාමරයේ ඇඳ මත නෙල්කා මියගොස් සිටිනු හමුවෙයි. ඇගේ සිරුර රෝස මල් වලින් සරසා තිබෙයි.  ඊට පෙර දින රාත්‍රියේ ඇය කිසිවෙකු හමුවීම සඳහා කන්‍යාරාමයට යාබද සොහොන්බිම වෙත යයි.
එතැන් සිට.....

තම ඉඟ වටා අතක් වෙළෙනු දැනී යුවතිය කිළිපොලා ගියා ය. ඇගේ මුවින් පිටවන්නට ගිය විළාපය ලත් තැනම නැවතුණි. ඒ,ඈ ඔහු හඳුනාගත් හෙයිනි.
තරුණිය දිගු හුස්මක් හෙළා ඔහුට තුරුළු වූවා ය. ඔහු  සිහින් තරුණයෙක් විය. කළුවන් කෙස් හා සිහින් නාසය ඔහුගේ ගිළුණු කම්මුල් වලට අමුතු පෙනුමක් ගෙන දුන්න ද,කැපී පෙණුනු සුදුමැළි බව තරම් කිසිවක් අමුතු නොවීය.
“ඔයා තව තප්පරයක් පරක්කු උනා නම්..........“ඈ කොඳුළා ය. තරුණයා තම වමතින් ඈ තමා වෙත තද කර ගති.
“ඇයි?.......ඔයා බය වුනාද?“ඔහුගේ දිගු සුදුමැලි ඇඟිලි ඇගේ නිකට තුඩ ස්පර්ෂ කළේය. යුවතිය හිස ඔසවා,අඩවන් දෑසින් ඔහු දෙස බැලූවාය. ඇගේ දෑසේ වූයේ සුරතල් දොස්පවරනසුළු බැල්මකි.
අඩවන් ව තිබූ ඇගේ දෑස් වලට ඉහළින් සිපගත් තරුණයා,සෙමෙන් තම දෑතම ඇගේ සිරුර වටා යවා,ඈ තමන් වෙත තවත් තෙරපා ගති. “ශාම්“යි කොඳුරමින් තරුණිය ඔහුට තුරුළු වූවාය. ඔහුගේ උණුසුම් සුසුම් තම මුහුණ මත වැටෙද්දී,ඈ දෑස් පියාගත්ත…

රුහිරෙන් පුදමි - ඩ්‍රැකියා ලියන නවකථාව - 1 කොටස

Image
එය කදිම උදෑසනක් නොවීය.
නෙල්කා ගේ කාමරයේ දොර අසළ තේ කෝප්පයක් අතැති මෙහෙකාරියක් විය.
“ටක් ටක් ටක්........“
පිළිතුරක් නැත.
“නෙල්කා...“
එහෙත් පිළිතුරක් නැත.
“ටක් ටක් ටක් ටක් ටක් .....“
“මොකද ?මොකද මේ ?“කොරිඩෝරය ඔස්සේ ඇදී ආ නේවාසිකාගාර පාළිකාව දොර අසළ නැවතුණා ය.
“නෑ සිස්ටර්,මේ.... මම මේ නෙල්කා තේ වලට ආවෙ නැති නිසා බලන්න ආවා. ඒත්.... කිසිම හාහූවක් නෑ.“
“වෙනද බෙල් එකට නැගිටිනවනෙ.“
“.............“
“මොනව වෙලාද මේ කෙල්ලට?...........මේ දොර අරින්න පුළුවන්ද බලමු“
දොර යතුරුලා නොතිබුණි. ක්ර්ර්ර්රීරීස්ස් හඬින් දොර සෙමෙන් විවර විය.
කන්‍යාසොයුරිය පසුපසින්  කාමරයට ඇතුල් වූ මෙහෙකාරියට අමුත්තක් දැනිණ.
උදෑසනකට උචිත නොවූ අස්වාභාවික සීතලක් කාමරය පුරා පැතිර තිබිණ. කාමරයේ වූ එකම ජනේලයේ සුදු පැහැ තිරය මඳ සුළඟින් සෙමෙන් සැළෙමින් පැවතුනි. නෙල්කා ගේ ඇඳෙහි වූ ඇතිරිලි පවා වෙනදාට වඩා සුදුමැළි යැයි මෙහෙකාරියට හැඟුණි.
පැකිළෙන පියවරින් කන්‍යාසොයුරිය ඇඳ අසළට ගියා ය.
“නෙල්කා...“