කුතුහලාත්මක අලි පැටියා - සයිලන්ට් සහන් ගේ ඉල්ලීමක් වෙනුවෙන්...

සයිලන්ට් සහන්ගේ පෝස්ටුවකට මං දැමූ කමෙන්ටුවක මේ කතාව ගැන සඳහන් කළා. ඒකට සහන්ගෙන් ලැබුණු උත්තරය අනුව මේ කතාව පරණ සගරාවකින් උපුටාගෙන පළ කරන්න හිතුවා. මේ කතාව ලිව්වේ රඩ්යාඩ් කිප්ලිං, (මං දැකපු හොඳම ධනාත්මක චින්තකයන්ගෙන් කෙනෙක්) පරිවර්තනය රංජිත් අමරසේකර. පළ වුනේ 1992 මැයි මුතුහර කළාපයෙ. කතාවේ ජීවගුණය නොමකා පළකරන්නත්, ඉක්මණටම පළකරන්නත් ඕනෙ නිසා ස්කෑන් කළා.







සහන් ටික කාලෙකින් ලිව්වෙ නැත්තෙ මොකද? මං හිතන්නෙ නෑ, මේ ස්ටෝරිය කිප්ලිංගෙ හොඳම ධනාත්මක ස්ටෝරිය කියලා. නමුත්, තමන් කරන දෙයින් ප්‍රතිඵලයක් නෑ කියලා හරි, ලැබෙන්නෙ නරක ප්‍රතිඵල විතරයි කියලා හරි හිතෙනවනං, හිතන්න, අලි පරම්පරාවටම ප්‍රයෝජනවත් හොඬ වැල ලැබුණෙ අලි පැංචා ගුටි කාගෙන හරි තමන්ගෙ කුතුහලය තියාගත්ත නිසා නේද කියලා.

සහන් දිගටම තමන් කරගෙන ආව කාරිය කරනවනං, ඒක තමා සමරහ අයට දෙන්න පුළුවන් ලොකුම උත්තරේ.

විදුලි පුටුව සහ දෙබිඩි රාජ්ජේ

http://1.bp.blogspot.com/_X24iO8Ixh9k/SFdDX1aMw1I/AAAAAAAAAEs/
0WeimdU5Zjc/s400/chrc%2Belectric%2Bchair.jpg

සකල සිරින් පිරි සිරි දූපතේ නැත්තේ මොනවාද? මේ ප්‍රශ්නෙට උත්තරේ මේ පෝස්ටුව අවසානය වන විට අපිට එකතු කර ගන්න පුළුවන් වෙයි කියා හිතමු.

මුලින්ම ඕං තිස් අවුරුදු යුද්ධයක් තිබුණේය. ඒකේ අවසාන බාගයේ, මානුෂික මෙහෙයුම් හිටු කියා දියත් වුනෙමු. මානුෂික මෙහෙයුම් ය කියන්නේ මොකද්ද?

දෙමළ ඊළාම් විමුක්ති අරගළයක් කියා එකක් කරමින් - ඒ කියන්නේ:
1. තමන්ගේ සංවිධානය එක්ක එකටම ඇති වුණු අනිත් සංවිධාන වල (බහුතරය ලාංකීය දෙමළ) සාමාජිකයන් දරුණු අන්දමින් මරා දමමින්,
2. සමහරුන් ආණ්ඩුවට එකතු වෙන තැනට වැඩ සළස්සමින්,
3. ඒ අනිත් සංවිධාන අතුගා දමමින්,
4. තමන්ට අවනත නොවෙන වැසියන් මර්ධනය කරමින්,
5. ළමයින් සොල්දාදු කමට ගනිමින්,
6. මරාගෙන මැරෙන මානසිකත්වයක් තම කාඩර් එකේ වාටියේ හිටිය මිනිස්සු තුළ ඇතිකරමින්
7. දෙබිඩි රාජ්ජේ නායකයන් මරා දමමින්,
8. මහජන දේපොළ විනාශ කරමින්,
9. ජාත්‍යන්තර ජාවාරම් සහ සම්මාදම් මඟින් අරමුදල් රැස්කරමින්,

කටයුතු කරපු ත්‍රස්තවාදීන් හෝ විමුක්තිකාමීන් ලෙස හැඳින්වුනු දෙමළ ඊළාම් විමුක්ති කොටි සංවිධානය,

1. තමන්ගෙ පළිහ විදිහට භාවිතා කරපු සාමාන්‍ය ජනතාව බේරමින්, (විමුක්ති කොටි බහුතරය හැසිරුණේමත් සාමාන්‍ය ජනතාව විදිහට සරං, කමිස ගහගෙන, වෙස් වළාගෙනයි)
2. රෝහල්, පාසල් වගේ තැන් බේරලා උඩින් ගුවන් ප්‍රහාර එල්ල කරමින්,
3. යුද්ධයෙ අවසාන දින කීපය වෙනතුරු බර අවි භාවිතා කරමින්, දුර සිට ෂෙල් වැනි ආයුධ වලින් පහර දෙමින්

විමුක්ති කොටි සංවිධානයෙ සන්නද්ධ අංශය විනාශ කරලා, උන් යට කරගෙන හිටිය භූමිය අත්පත් කරගැනීම මානුෂික මෙහෙයුම වශයෙන් ඩ්‍රැකියා විසින් අර්ථ දක්වනු ලැබේ.

ජයග්‍රහණයට පියවරුන් බර ගාණකි.
1. හමුදාපති සරත් ෆොන්සේකා මහතා (හමුදා අධිකරණයේ තීන්දුවට අනුව එහෙම කෙන‍ෙක් හමුදාවේ ඉඳලා නැත)
2. ආරක්ෂක ලේකම් ගෝඨාභය රාජපක්ෂ මහතා
3. අතිගරු විධායක ජනාධිපති සහ සන්නද්ධ හමුදාවල සේනාධිනායක මහින්ද රාජපක්ෂ මැතිතුමා
4. හමුදාවට බර අවි බර ගාණක් ලබා දී ඇති හිටපු ජනාධිපතිනි අතිගරු චන්ද්‍රිකා බණ්ඩාරනායක කුමාරතුංග මැතිණිය (සරත් ෆොන්සේකා මහතා කියන විදිහට)
5. ලොකුම පාවාදීම විදිහට හංවඩු ගහපු සටන් විරාම ගිවිසුම හේතුවෙන් කොටි සංවිධානය කෑලි වලට කැඩීමට හේතු වුණු රනිල් වික්‍රමසිංහ මහතා
6. ජනාධිපතිගේ දෑත් ශක්තිමත් කරලා කොටි පරාජය කරන්නට සපෝට් කරපු කරුණා සහ පිල්ලෙයාන් ගරු මැති ඇමති වරු.
7. යුද්ධයට යුද්ධයම විසඳුමක් විදිහට යෝජනා කරමින් කෑගහපු ජෙප්පන් රැළ
8. මාවිල් ආරු සොරොව්ව බේරාගත් අතුරලියේ අතන හාමුදුරුවෝ
9. කොටි හඬ නිහඬ කළ කෙහෙළිය
10. ඉතාලියේ කොටි හඬ නිහඬ කළ මර්වින් සිල්වා
(මේ දැක්වෙන පියවරු බොහොමයක් එළි බහින්නේ ඡන්දයක් ආ විටය)

මානුෂික මෙහෙයුම ගැන සිහිමොළේ ඇති කෙනෙකුගේ හිතට නැගෙන ප්‍රශ්න බර ගාණකි:

1. කොටි හිටියේ සාමාන්‍ය මිනිස්සුත් එක්ක නම්, සාමාන්‍ය මිනිස්සු බේරලා කොටියා විතරක් මරන්නේ කොහොමද?
2. යුද්ධෙ අවසාන දවසේ හෝ දෙකේ වෙඩිබෙහෙත් ගබඩාවක් පුපුරවා ඇති බව කියමින් විශාල දුමාරයක් නිකුත් කෙරුණේ චන්ද්‍රිකා ඡායාරූප හෝ වෙනත් සන්නිවේදන මාර්ග ආවරණය කරන්නද?
3. ප්‍රභාකරන්ගේ හිස දෙපළු වෙන විදිහට තුවාල කළේ කවුද? කොටියෙක්මද? හමුදාවද? හමුදාව නම්, අල්ලගත්ත කෙනෙක් (සිරකාරයෙක්) ඒ විදිහට මරන්න පුළුවන්ද?
4. රෝහල් ලෙස යොදාගත් තැන් වලට ෂෙල් ගහපු බව කියාපු දොස්තර කෙනෙක්, කොළඹ සීඅයිඩියට ගෙනාවට පස්සේ ‘මං එහෙම කිව්වේ කොටි තර්ජනය කරපු නිසයි‘ කියලා කිව්වේය. එයා දැන් කියන්නේ ‘ඒ වෙලාවේ සීඅයිඩිය තර්ජනය කරපු නිසා එහෙම කිව්වා. දැන් මගෙ නංගිටත් පොලිසියෙන් තර්ජනය කරනවා‘ කියලාය. කෝකද ඇත්ත වෙන්න පුළුවන්?
5. ඇස් බැඳපු මිනිස්සුන්ට වෙඩි තියන දර්ශන, මැරුනු කොටි සෙබළියන්ට අතවර කරපල්ලා කියන දර්ශන, ආදිය චැනල් ෆෝ එකට ලැබෙන්න පෙර ඉඳන්, ලංකාවෙ ජනතාව අතර සංසරණය වුන බව ප්‍රසිද්ධ රහසකි. දැං ඒ ෆෝන් හිමියන් කෝ?
6. රතුපස්වල උද්ඝෝෂණය කළ සාමාන්‍ය මිනිස්සුන්ට, හලාවත උද්ඝෝෂණය කළ ෆැක්ටරි සේවකයන්ට, ධීවරයන්ට සහ බොරැල්ලෙ බන්ධනාගාරයෙ රැඳවියන්ට වෙඩි තියපු හමුදාව - උතුරේ දෙමළ මිනිස්සුන්ට වෙඩිතියන්න බැරිද? (වෙහෙර ගිල්ල එකාට අග්ගලේ...)
7. (අන්තිමට මාදුළුවාවෙ සෝභිත හිමි අහන සරළ ප්‍රශ්නෙ) අපි යුධ අපරාධ කළේ නැත්තම් පරීක්ෂණ වලට ඇයි ඔයතරම් බය?

අපේ විදේශ ප්‍රතිපත්තිය ජාත්‍යන්තර මට්ටමේ එකකි.

1. අපි අපේ රටේ ස්වෛරීත්වයට ඇඟිලි ගහනවාට විරුද්ධය (රුසියාව ක්‍රිමියාවට හමුදා යවා යුක්රේනයට ඇඟිලි ගහනවාට හැබැයි එකෙන්ම පක්ෂය)
2. අපේ රටට එන එක්සත් ජාතීන්ගෙ සංවිධානයේ නියෝජිතයන්ව, ස්වාධීන මානව හිමිකම් ක්‍රියාධරයන්ට හමුවෙන්නට බාධා පමුණුවනු ලැබේ.
3. චෝගම් කාලයේ උද්ඝෝෂණ කරන්නට එපා යැයි ජනතාවට කිව්වෙමු. හැබැයි එංගලන්තෙ අගමැති එක්ක ආව කැලම් මැක්රේ ට යාපනේ යන්න නොදී කෝච්චි නවත්තගෙන උද්ඝෝෂණය කරන්න බාධාවක් තිබුනේ නැත. උද්ඝෝෂණ කරන්නට බැරි, ලංකාවෙ අභ්‍යන්තර ප්‍රශ්න (පානීය ජලය, විදුලි බිල, සරසවි ශිෂ්‍ය ගැටළු, පරිසර සංරක්ෂණය වගේ දේවල්) ගැන විතරය. විජාතික බලවේග ගැන, හරක් මැරීම ගැන, හලාල් ගැන එහෙම උද්ඝෝෂණ කරන්න කිසිම බාධාවක් නැත.
4. හැම අවුරුද්දකම මාර්තු ළං වෙනකොට (එක්සත් ජාතීන්ගේ මානව හිමිකම් සැසිවාරය ළං වෙනකොට) උතුරේ යුද්ධ‍ය හෝ බලය බෙදීම හෝ සංහිඳියාව ගැන මොකක් හරි දෙයක් පටන් ගන්නෙමු. ගියපාර නොකෑ පපඩම් හා තෙල්හිඳියා කෙමිසමය. මෙදා පොටේ මෛත්‍රීපාල ඇමති තුමා දකුණු අප්‍රිකාවේ සංහිඳියාව ඉගෙන ගන්ට තකහණියක් දකුණු අප්‍රිකාවටම ගියෝය.
5. මානව හිමිකම් ක්‍රියාධරයන්ව බෙදුම්වාදී චෝදනා මත අත් අඩංගුවට ගන්නෙමු. පස්සෙ අධිකරණ නියෝග මත නිදහස් කරන්නෙමු.
6. අපිට ඇඟිල්ල දික් කරන්න කලින් ඇමරිකාව අැෆ්ඝනිස්ථානෙ කරපුවා, ආදී දේවල් ගැන හොයාපල්ලා කියා සිංහලෙන් කෑගහන්නෙමු.

මෙහෙම තියෙන සිරි දූපතට දැං මහා හෙණ ගෙඩියක් පාත් වෙන්නට යන්නේය. ඒ නවී පිල්ලේ (දකුණු අප්‍රිකාවේ නෙල්සන් මැන්ඩෙලා යටතේ පත්වුණු අගවිනිසුරු වරිය) ඇමරිකාව, කැනඩාව, එංගලන්තය, මුරුසිය, ආදී රටවල් මූලිකත්වයෙන් ගේන්නට යන යෝජනාවකි. ඒ යෝජනාවෙන් ඉල්ලන්නේ මොනවද?

1. ලංකාවෙ මානව හිමිකම් සුරැකිය යුතුය, අතුරුදන් කිරීම් ගැන සෙවිය යුතුය.
2. තිස් අවුරුදු යුද්ධයේ අවසාන කාලේ දෙපාර්ශවය අතින් වුනු අකටයුතුකම් සෙවිය යුතුය,
3. ජාතීන්, ආගම් අතරෙ සංහිඳියාව ඇති කළ යුතුය,
4. පොරොන්දු වුණු අන්දමට තෙල්හිඳියා කොමිසමේ නිර්දේශ ක්‍රියාත්මක කළ යුතුය,
5. 13 සංශෝධනයේ ප්‍රකාර බලය බෙදීම කළ යුතුය,
6. නීතියේ ආධිපත්‍යය නැවත ඇති කළ යුතුය
7. හිරකාරයන්ව ආයුධ පෙන්නන්න එක්කගෙන යන එක නැවැත්විය යුතුය... ආදී හෑල්ලකි.

මේ යෝජනා ක්‍රියාත්මක වුනොත්, අපේ අතිගරු (අපිට හැම අවුරුද්දකම සුභ අලුත් අවුරුද්දක් වේවා කියා එස්එම්එස් කරන, අපේ ළමයි වඩාගන්නා, අපේ වක්කඩින් වතුර බොන, පළපුරුදු සංවේදී ජනනායකයා වන, ජනතාවට හමුදාව වෙඩි තියන එක ගැන මොනවත් දන්නෙ නැති, දන්නවනං ඒ අයව දහ අට මාසෙකට විතර එල්ලුම් ගස් අරින) විධායක ජනාධිපති තුමා විදුලි පුටුවේ ඉන්දවන්නට ඇමරිකාවට සහ අනිත් ජාත්‍යන්තර බලවේග වලට හැකියාව ලැබේ. (ඔබාමට නින්ද යන්නෙත් නැත අපේ සිරි දූපතේ ජනාධිපති යහතින් ඉන්න තාක්)

මෙච්චර අප්සට් රජයක් තියෙද්දි අපේ විපක්ෂය කරන්නේ මොනවද?
1. ප්‍රධාන විරුද්ධ පක්ෂයේ නායකත්වය, බෑණා හැදිලා වැඩිලා එනතෙක් මාමා අල්ලගෙන ඉන්නෙමි. ඒ වෙනුවෙන් එක එක මගඩි කරන්නෙමි.
2. ඉඳ හිටලා පොළකට, බස් හෝල්ට් එකකට ගිහින් පත්‍රිකා බෙදලා, ජනතාව දැනුවත් කරන්නෙමු. (ජනතාව මුන්ට වඩා මේ ගැන දැනුවත් ය කියලා වෙලාවකට හිතෙන්නෙමු.)
3. තුන්වෙනි බලවේගය වෙන්නට, කලින් තුන් වෙනි බළවේගය වෙලා හිටපු එක රැකගන්නට වෙර දරන ගමන්, ‘අපිට යූඇන්පියේ ඡන්ද පදනම තිබ්බනං දෙන්නෙ දොඹෙං‘ කියා වහසි දොඩවමු.

මේ එකෙකුවත් පාරට බැහැලා වරෙව් මිනිස්සුනේ කිව්වනං, මිනිස්සු පාරට බැහැලා, උණ්ඩයට පපුව දීලා හරි මේ ආණ්ඩුව පෙරළන එක සහතික ඇත්තකි. මිනිස්සුන්ට ජාත්‍යන්තර බලවේග වල සහාය ලැබිලා යහපත් හෙට දිනක් උදාවෙන එක තවත් ආත්ම ගාණක් තිස්සේ බලාගෙන ඉන්න වෙන වැඩකි. සටන පටන් ගත යුත්තේ ඇතුළතිනි.

ඊසොප් ගේ උපමා කතාවකින් මේ පෝස්ටු හෑල්ල ඉවර කරන්නට සිතේ.

ග්‍රීසියේ කරත්ත කාරයෙක් අතර මගදී තමන්ගෙ කරත්තෙ රෝදයක් මඩේ එරී අමාරුවේ වැටුණා. එයා එතනම ඉඳන් හර්කියුලීස් දෙවියන්ට යා‍ඥා කළා. හර්කියුලීස් එතනට පහළ වෙලා මෙහෙම කිව්වා.
“මං උදව් වෙන්න තිබ්බා. ඒත් මේක තමුසෙගෙ රෝදෙ නෙ, තමුසෙ ඉස්සෙල්ලා ඔය රෝදෙ කර ගහලා උස්සන්න වෑයම් කරනවා. ඊට පස්සෙ මගෙන් උදව් ඉල්ලනවා. එතෙකොට මං උදව් කරන්නං“

http://4.bp.blogspot.com/-i9Nv1fdzWrw/
UHLOrOKmetI/AAAAAAAAD6o/
QMTXcoEEvRw/s1600/kevin-sorbo-hercules.jpg

එක්සත් ජාතීන්ගේ මානව හිමිකම් කවුන්සිලයේදී ලංකාව සම්බන්ධයෙන් මාර්තු මස අගදී සම්මතකරගන්නට උත්සාහ කරන යෝජනාවේ මුල් කෙටුම්පත

http://images1.fanpop.com/images/image_uploads/Human-Rights-Time-Line-human-rights-884732_1920_1291.jpg

ශී‍්‍ර ලංකාවේ සංහිඳියාව, වගවීම සහ මානව හිමිකම් ඉහළ නැංවීම මානව හිමිකම් මණ්ඩලය 25/1.
එක්සත් ජාතීන්ගේ ප‍්‍රඥප්තියේ පරමාර්ථ සහ මූලධර්ම නැවත තහවුරු කිරීම මානව හිමිකම් පිළිබඳ විශ්ව ප‍්‍රකාශනයත්, 
මානව හිමිකම් පිළිබඳ ජාත්‍යන්තර ප‍්‍රඥප්තියේ සහ අනෙකුත් අදාළ ආයතනයන්හි මඟ පෙන්වීම මත 2006 මාර්තු 15 60/251 මහාමණ්ඩල යෝජනාව සිත්හි තබාගෙන,
2007 ජූනි 18 ආයතන ගොඩනැගීම පිළිබඳ 5/1 දරන මානව හිමිකම් මණ්ඩල යෝජනා සහ 5/2 දරන චර්යාවන් පිළිබඳ නීති කි‍්‍රයාවලි සඳහා බල ධාරීන්ගේ යෝජනා සිහියට නඟා ගෙන,
2012 මාර්තු 22, 19/2 දරන මානව හිමිකම් යෝජනාද 2013 මාර්තු 21, 22/1 යෝජනාද සිහිපත් කර, ශී‍්‍ර ලංකාවේ සංහිඳියාව සහ වගවීම ඉහළට නැංවීම සඳහා මෙම යෝජනාව ගෙන එනු ලැබේ.
තම මුළුමහත් ජනතාව සියලූ මානව හිමිකම් සහ මූලික නිදහස භුක්ති විඳීම සහතික කිරීම සෑම රාජ්‍යයකම වගකීම බව තරයේ ප‍්‍රකාශ කර සිටිමු. එමෙන්ම ත‍්‍රස්තවාදය මර්දනය කිරීමේදී ගන්නා ඕනෑම පියවරකදී රාජ්‍යයන් ජාත්‍යන්තර නීතියට, විශේෂයෙන් ජාත්‍යන්තර මානව හිමිකම් නීතියට, ජාත්‍යන්තර අනාථයන් පිළිබඳ නීතියට සහ ජාත්‍යන්තර මානුෂවාදී නීතියට යටත්ව කටයුතු කළ යුත්තේය. ඇදහීම්, විශ්වාස හෝ වාර්ගික කිසිම භේදයකින් තොරව සියලූ ශී‍්‍ර ලාංකිකයන්ට තමන්ගේ හිමිකම් භුක්තිවිඳීමට මානව හිමිකම් කවුන්සිලය සහාය දීම පිළිගැනේ.
ශී‍්‍ර ලංකා රජය විසින් යටිතල පහසුකම් නැවත ගොඩනැගීමේදී, බිම්බෝම්බ ඉවත්කිරීමේදී අභ්‍යන්තර අවතැන්වූවන් බහුතරයක් නැවත පදිංචි කරවීමේදී දැක්වූ ප‍්‍රගතිය පිළිගෙන අගයකරන අතර අධිකරණය, සංහිඳියාව, නිර්හමුදාකරණය සහ ජීවනෝපායයන් සලසාදීම පිළිබඳ ඉදිරියේදී කිරීමට බොහෝ කටයුතු ඇති බව මතක් කරමු. විශේෂයෙන් මේ කටයුතු සඳහා සිවිල් සමාජ සහ සුළු වාර්ගික නියෝජිතයන් ඇතුළත් දේශීය ජනතාව සහභාගි කරගත යුතු බව ද අවධාරණය කරමු. 2013 සැප්තැම්බර් 21 සාර්ථක ලෙස උතුරු පළාත් සභා මැතිවරණය පැවැත්වීම අගය කරන අතර පළාත් තුනේම විශාල ජන කොටසක් ඊට සහභාගි වන ලදි. කෙසේ වෙතත් මැතිවරණ ආශි‍්‍රත ප‍්‍රචණ්ඩ කි‍්‍රයා සහ ඡුන්දාදායකයන් සහ අපේක්ෂකයන්ට බලපෑම් කිරීම පිළිබඳව කනගාටුව පළකරමු.
එක්සත් ජාතීන්ගේ මානව හිමිකම් පිළිබඳ මහකොමසාරිස්වරියට ශී‍්‍ර ලංකාවට පැමිණීමට අවස්ථාව සැලසීම සහ 2013 අගෝස්තුහිදී ඇය පිළිගැනීම අපි අගය කරන්නෙමු. මහ කොමසාරිස්වරිය හමුවූ සිවිල් සමාජ සාමාජිකයන්ට බලපෑම් සහ හිරිහැර කිරීම පිළිබඳව අපගේ දැඩි කනගාටුව පළකර සිටිමු.
ස්තී‍්‍ර පුරුෂභාවය පදනම්ව කෙරෙන හිංසා, ලිංගික හිංසා, බලහත් කාරයෙන් අතුරුදන් කරවීම්, නීතියට පිටින් කෙරෙන ඝාතන, වධහිංසාකිරීම් සහ සාමකාමීව රැුස්වීමට ඇති අයිතීන් හා කතාකිරීමේ නිදහස ලබානොදීම, මානව හිමිකම් කි‍්‍රයාකාරීන්ට එරෙහිව කරන බලපෑම් සහ මර්දනයන්, සිවිල් සමාජ සාමාජිකයන්ට සහ මාධ්‍යවේදීන්ට කරන හිංසා ඇතුළු මානව හිමිකම් උල්ලංඝනය කිරීම සහ අධිකරණයේ ස්වා ධීනත්වයට හා නීතියේ පාලනයට තර්ජන එල්ලවීම් ශී‍්‍ර ලංකාව තුළ දිගින් දිගටම වාර්තා වීම පිළිබඳව අපගේ දැඩි කනස්සල්ල ප‍්‍රකාශ කර සිටිමු. හින්දු, මුස්ලිම්, කි‍්‍රස්තියානි ඇතුළත් ආගමික සුළුතරයට ආගම හෝ ඇදහීම පදනම්ව කරනු ලබන හිංසා සහ වෙනස්කම් විශාල ලෙස වර්ධනය වන බව පෙනේ.
සියලූ ජනයාට මානව හිමිකම් භුක්තිවිඳීමට සහ රටේ සංහිඳියාව ඇතිකිරීම සඳහා හේතුවන දේශපාලන බලය විමධ්‍යගත කිරීම ඇතුළු ජනතාවට ඉටුවිය යුතු කරුණු පිළිබඳව ශී‍්‍ර ලංකාවේ අවධානය යොමු කරමු. ශී‍්‍ර ලංකාව තුළ අර්ථවත් ජාතික සංහිඳියාවක් ඇතිකිරීම සඳහා හේතුවෙතැයි පිළිගැනෙන ශී‍්‍ර ලංකාවේ උගත් පාඩම් සහ සංහිඳියා කොමිෂන් වාර්තාව පිළිබඳව සඳහන් කරමු. නීතියට පිටස්තර ඝාතන, බලහත්කාරයෙන් අතුරුදන් කිරීම් පිළිබඳව පැතිරී ඇති චෝදනා විශ්වසනීය ලෙසින් පරීක්ෂාවට ලක්කිරීම, ශී‍්‍ර ලංකාවේ උතුර නිර්මිලිටරිකරණය කිරීම, අපක්ෂපාතී ඉඩම් ගැටලූ විසඳීමේ යාන්ත‍්‍රණයක් ඇතිකිරීම, රඳවා ගැනීමේ ප‍්‍රතිපත්ති පිළිබඳව නැවත සලකා බැලීම, පෙර පැවති ස්වාධීන සිවිල් ආයතන ස්ථාපිත කිරීම, පළාත් සඳහා බලය විමධ්‍යගත කිරීමට දේශපාලන විසඳුමකට ඒම, සියලූ ජනතාවගේ භාෂණයේ නිදහස ආරක්ෂා කිරීම සහ ඉහළ නැංවීම, නීතියේ පාලනය ඇතිකිරීමට නීති කි‍්‍රයාත්මක කිරීම යන කොමිසමේ සාධනීය යෝජනා සිහියට නගමු. උගත් පාඩම් හා සංහිඳියා කොමිසමේ නිර්දේශ කි‍්‍රයාත්මක කිරීම සඳහා වූ ජාතික කි‍්‍රයාකාරී සැලැස්ම අවධානයට ලක්වන අතර එහි කැපවීම සහ කොමිසමේ යෝජනා පිළිබඳ දක්වන ප‍්‍රතිචාර කෙරේ අවධානය යොමු කරමු. කොමිසමේ ධනාත්මක යෝජනා සලකා බැලීමට ජාතික කි‍්‍රයාකාරී සැලැස්ම ප‍්‍රමාණවත් නොවීම පිළිබඳ කනගාටු වන අතර කොමිෂන් වාර්තාවේ සියලූ කරුණුවලට යොමුවීම සඳහා සැලැස්මේ දැක්ම පුළුල් කරන ලෙසට ශී‍්‍ර ලංකා රජයෙන් ඉල්ලා සිටිමු.
ජාතික කි‍්‍රයාකාරි සැලැස්ම සහ කොමිෂන් වාර්තාව
ජාත්‍යන්තර මානව හිමිකම් උල්ලංඝනයන්, ජාත්‍යන්තර මානුෂිකවාදී නීතිය කැඞීම් පිළිබඳ ප‍්‍රමාණවත් අවධානයක් යොමු නොකිරීම පිළිබඳව කනගාටුව පළකරමු. පුද්ගලිකව නඩු පැවරීම, වන්දි ගෙවීම, සත්‍යය සෙවීම, ආයතනික ප‍්‍රතිසංස්කරණ, රාජ්‍ය සේවකයන් සහ නිලධාරීන් පරීක්ෂාවට ලක්කිරීම, අන්තර් සම්බන්ධීකරණයක් ඇතිකිරීම සහ සංහිඳියාවන් ඉහළ නැංවීම, ආරක්ෂණ පද්ධතිය ස්වාධීනව ස්ථාපිත කිරීම, රාජ්‍ය ආයතන පිළිබඳ විශ්වාසයන් ඇතිකිරීම, ජාත්‍යන්තර මානව අයිති නීතියට අනුකූලව නීතියේ පාලනය ඉහළ නැංවීම ඇතුළත් සංක‍්‍රමණීය සාධාරණත්වයකට අවබෝධාත්මකව ප‍්‍රවිෂ්ට වීම අවධාරණය කෙරේ.
සත්‍යය හා සංහිඳියා කොමිසම වැනි රාජ්‍ය නොවන සංවිධාන ද ඇතුළත් සිවිල් සමාජ වින්දිතයන් ද ඇතුළත් පුළුල් ජාතික පරීක්ෂණ මණ්ඩලයක් අතීතයේ සිදුවූ ලංකාව සම්බන්ධයෙන් උල්ලංඝනයන්ගේ රටාවන්, හේතු සහ ඵලවිපාක සොයා බැලීම සඳහා පත්කිරීම මගින් අධිකරණ කි‍්‍රයාමාර්ගයට උපකාර සැලසිය හැකිය. නීතියට ඉහළින් සිටීම අවසන් කිරීම සඳහා මානව හිමිකම් උල්ලංඝනය කළ සහ ජාත්‍යන්තර මානුෂික නීතිය බරපතළ ලෙස කඩා දැමීම පිළිබඳ වගකිවයුත්තන්ට නඩු පැවරීමේ වගකීම රජය සතු බව සඳහන් කර සිටිමු.
සත්‍යය ලබාදීමටත් සාධාරණය ඉටුකිරීමටත් ජාතික යාන්ත‍්‍රණය දිගින් දිගටම අසමත් වූ බවට මහකොමසාරිස්වරිය කරන නිගමනය පිළිගනිමින් තවදුරටත් පරීක්ෂාකිරීම සඳහා ජාත්‍යන්තර පරීක්ෂණ යාන්ත‍්‍රණයක් ඇති කළ යුතු යයි ඇය කරන නිර්දේශය සිිහියට නගන්නෙමු. මේ සඳහා ඇතිකරන දේශීය වගවීම් කි‍්‍රයාවලිය මෙහෙයවීමද ඇතුළත් වේ.
තාක්ෂණික සහාය ලබාගැනීමට අදාළව මහකොමසාරිස් කාර්යාලයේ සහයෝගය සහ අදහස් ලබාගැනීමට රජය උනන්දු කරන්නෙමු.
1. සංක‍්‍රමණීය සාධාරණත්වයකට පිවිසීම සඳහාත්, ශී‍්‍ර ලංකාවේ සංහිඳියාව සහ වගවීම ඉහළ නැංවීම සඳහාත් සත්‍ය සෙවීමේ යාන්ත‍්‍රණයක් සහ ජාතික වන්දි ප‍්‍රතිපත්තියක් ඇතිකිරීමද ඇතුළත්ව 2013 සැප්තැම්බර් 25 වාචික අදහස් දැක්වීම් සහ 2014 පෙබරවාරි 24 වාර්තාව පිළිගනු ලැබේ.
2. 2013 අගෝස්තු මහකොමසාරිස්වරියගේ සංචාරය පිළිගනිමින්, ජාත්‍යන්තර මානව හිමිකම් නීතිය සහ ජාත්‍යන්තර මානුෂිකවාදී නීතිය උල්ලංඝනය කිරීම් පිළිබඳව ස්වාධීන විශ්වසනීය පරීක්ෂණයක් කළ යුතු යයි ශී‍්‍ර ලංකා රජයෙන් ඉල්ලා සිටිනු ලැබේ.
3. උගත් පාඩම් සහ සංහිඳියා කොමිසමේ සාධනීය නිර්දේශ සාර්ථකව කි‍්‍රයාත්මක කරන ලෙසත් සියලූ ශී‍්‍ර ලාංකිකයන්ට සාධාරණත්වය, සමානත්වය, වගවීම සහ සංහිඳියාව ලබාදීම සහතික කිරීම සඳහා ඇති නීතිමය බැඳීම් සහ කැපවීම් ඇතිකිරීම සඳහා ගතයුතු සියලූ අවශ්‍ය පියවර ගන්නා ලෙසත් ශී‍්‍ර ලංකා රජයෙන් ඉල්ලා සිටී.
4. ආගමික ස්ථාන, කෝවිල්, පල්ලි සහ දේවස්ථානවලට පුද්ගලයන් සහ කණ්ඩායම් එල්ලකරන ප‍්‍රහාර ගැන පරීක්ෂා කරන ලෙසත්, අනාගතයේ එබඳු පහරදීම් වැළැක්වීමට පියවර ගන්නා ලෙසත් පූජනීය ස්ථාන, මාධ්‍යවේදීන් මානව හිමිකම් කි‍්‍රයාකාරීන් සුළු ආගමික කණ්ඩායම් සහ අනෙකුත් සිවිල් සමාජ සාමාජිකයන්ට එල්ල කළ ප‍්‍රහාර පිළිබඳ වගකිවයුත්තන් නීතිය ඉදිරියට ගෙනෙන ලෙසත් ශී‍්‍ර ලංකා රජයෙන් ඉල්ලා සිටී.
5. 2013 අගෝස්තු 1 දින වැලිවේරියේදී නිරායුධ විරෝධතාකරුවන්ට පහරදීම ඇතුළු ආරක්ෂක හමුදා කරනු ලැබූ ප‍්‍රචණ්ඩ කි‍්‍රයා පිළිබඳව පරීක්ෂණ වාර්තා හා යුද හමුදා පරීක්ෂණ වාර්තා ප‍්‍රසිද්ධ කරන ලෙස රජයෙන් ඉල්ලා සිටී.
6. ව්‍යවස්ථාවේ 13 සංශෝධනයේ ප‍්‍රකාරව පාලනය කිරීම සඳහා සම්පත් සහ බලතල උතුරු පළාත් සභාවට සහ එහි මහඇමතිවරයාට ලබාදෙන ලෙසට ශී‍්‍ර ලංකා රජය උනන්දු කරවනු ලැබේ.
7. අභ්‍යන්තරව අවතැන්වූවන්ගේ මානව හිමිකම් පිළිබඳ වාර්තාකරුට සහ සංක‍්‍රමණිකයන් පිළිබඳ මානව හිමිකම් වාර්තාකරුට පහසුකම් සැලසීමට ශී‍්‍ර ලංකා රජය ගත් තීරණය අපි අගය කරමු. එමෙන්ම විශේෂ කාර්යභාර බලපත් හිමියන්ගේ ඉල්ලීම්වලට දින වෙන්කිරීම සහ පිවිසීමේ අවසර දීමෙන් සහාය වන ලෙස ඉල්ලා සිටී.
8. විශ්වසනීය සහ ප‍්‍රතිඵලදායි ජාතික කි‍්‍රයාවලියක් නොමැති බැවින් ස්වාධීන විශ්වසනීය ජාත්‍යන්තර පරීක්ෂණයක් කිරීමේ මහකොමසාරිස්වරියගේ නිර්දේශ සහ නිගමන පිළිගැනේ. වගවීම සහ සංහිඳියාව පිළිබඳ ප‍්‍රගතිය තක්සේරු කරන ලෙසටත් ඒ සඳහා අදාළ ජාතික කි‍්‍රයාකාරීත්වයන් පරීක්ෂා කරන ලෙසටත්, ශී‍්‍ර ලංකාවේ දෙපාර්ශ්වය විසින්ම මානව හිිමිකම් උල්ලංඝනය කිරීම් සහ අවභාවිත කිරීම් සහ ඊට සම්බන්ධිත අපරාධ පරීක්ෂා කරන ලෙසටත් මහකොමසාරිස්වරියගෙන් ඉල්ලා සිටී. මේ පිළිබඳව විශේෂ කි‍්‍රයාමාර්ග බලපත් හිමියන්ට මානව හිමිකම් මණ්ඩලයේ 27 සැසියේදී සංක්ෂිප්ත වාර්තාවක් ද 28 සැසියේ යෝජනාවට වාචිකව සාක්ෂි ඉදිරිපත් කරන ලෙස ඉල්ලා සිටී.
9. ඉහත සඳහන් පියවර කි‍්‍රයාත්මක කිරීම සඳහා තාක්ෂණික සහාය සහ උපදෙස් ලබාදීමට මහකොමසාරිස් කාර්යාලය සහ අදාළ විශේෂ කි‍්‍රයාමාර්ග බලපත‍්‍රධාරීන් උනන්දු කෙරේ.
10. මෙම යෝජනාව කි‍්‍රයාත්මක කිරීම සඳහා මහකොමසාරිස් කාර්යාලයට සහාය දක්වන ලෙස ශී‍්‍ර ලංකා රජයෙන් ඉල්ලා සිටිනු ලැබේ.
උපුටාගැනීම රාවය පුවත්පත - http://ravaya.lk/%E0%B6%BD%E0%B6%82%E0%B6%9A%E0%B7%8F%E0%B7%80-%E0%B7%83%E0%B6%B8%E0%B7%8A%E0%B6%B6%E0%B6%B1%E0%B7%8A%E0%B6%B0%E0%B6%BA%E0%B7%99%E0%B6%B1%E0%B7%8A-%E0%B6%9C%E0%B7%99%E0%B6%B1-%E0%B6%91%E0%B6%B1/

නලීන් දිල්රුක්ෂ - ජනතාවට පුවත් දැන ගැනීමට ඇති අයිතියට අත නොතබනු !

පුරාණ කාල වල රජවරුන්ගේ කතා, ප්‍රේම කතා, යුද්ධ කතා, වීර කතා ආදිය ගී විරිත් වලින් (අතිශයෝක්තිය සහ අලකංකාර බහුල ශෛලියෙන්) ගොතා ජනතාව රැස්වෙන තැන්වල ගායනා කළ කවියෝ සිටියෝය. ඉලියඩ් ගොතපු හෝමර්, රාමායණය ගොතපු වාල්මිකී, මහාභාරතය ගොතපු වේදව්‍යාස ඒ අතරින් දැවැන්තයෝය. රොබින්හුඩ් ගෙ කතාව පවා මුල්ම කාලීන ජන කවි පේළියක් කියා කියන්නේය. මුල්ම කාලීන ඉතිහාසය බොහොම ආශ්චර්යමත් සිදුවීම් වලින් පුරවලා කවියට, ජන ශ්‍රැතියට එකතු කරවපු අපේ මුල්ම කාලීන කතන්දර කාරයෝ, අපේ ඉතිහාසය යම් තරමකට හරි මතු පරපුරට දායාද කරන්න දායක වුණ බව අමතක කරන්නට බැරිය. (පණ්ඩුකාභය කුමාරයාගේ කතාව, හර්කියුලීස් ගේ කතා වගේ ඒවා, ඒ විදිහෙ ආශ්චර්යමත් ඉතිහාස කතා ලෙස සළකන්න පුළුවන්.) මේ ආශ්චර්යාත්මක අතිශයෝක්තිය කරේ තියොගෙන ඒ කාලේ පරමාණු අවි තිබුණාය, ගුවන් යානා තිබුණාය කිය කියා ඇවිදින...

http://mscait.info/files/2013/03/old-comm-tech-uf8qm1.jpg

පස්සෙ කාලේ ලංකාවේ සිදු වෙන ඛේදනීය සිදුවීම් ජනතාව අතරට ගෙන ආවේ සති පොළේ කවි කොළ කාරයා ය. මිනී මැරුම්, දූෂණ, ශ්‍රී මහා බෝධියේ අතු කැපූ පිස්සා වගේ සිදුවීම් ගැන තොරතුරු ඉතා බුහුටි ලෙසට කවි කර අච්චු ගසා, පොළට ගෙන එන කවි කොළ කාරයා, එක අතක් කණේ තියාගෙන, අනිත් අතේ කවි කොළය දිග ඇරගෙන ඈතට ඇහෙන ලෙසට කවි කතාව කියවන හැටි බලන් ඉන්න ආස හිතෙනවාය. (හැබැයි ඩ්‍රැකියා නං කවි කොළ කාරයෙක් ඇහින් දැකලා නැත. කවි කොළ නං දෙක තුනක් දැක ඇත) කවි කොළ කාරයා අපේ ජනශ්‍රැතියේ එක පරිච්ඡේදයක් සනිටුහන් කරන්නෙකි. මේ කාර්යය තවත් පස්සෙ කාලෙ ඇන්ටන් ජෝන්ස් මහත්තයා බාර ගෙන...

ඒත් දැන් මිනිස්සු සති පොළට ඉස්සර වගේ උත්සවාකාරයෙන් යන්නේ නැත. ඒ වගේම සිදුවීමක් වුන ගමන් අපට ආරංචි වෙන මාධ්‍ය වැහි වැහැලාය. දැන් කඩදාසියේ මුද්‍රිත පත්තර පවා කියවන්නේ එක්තරා පරම්පරාවක් විතරය. ඒකත් අන්තර්ජාලයෙන් කියවන්න ඇහැකිය. පත්තර වලටත් වඩා, අන්තර්ජාලයේ ගොසිප් අඩවි වලින් ජනතාව අතරට නිවුස් යන්නේ උණු කැවුං වගේය.

පත්තර කාරයා පුවත් වාර්තා කරන්නා කොච්චර අසීරු කටයුත්තක් කරනවාද කියන එක උන්දැලාට දහපදුරාවේ බණින අයට තේරෙන්නේ නැත. (ඒ අය දන්නේ නණලළ විතරය) දැන් කොච්චර වේගෙන් පුවත් ජනතාව අතරට යනවාද කියතොත්, පත්තර මුදලාලිලාට පුවත් වාර්තා කරන්නන්ට තමන් වාර්තා කරන පුවත පුළුවන් තරම් රසවත්ව ඉදිරිපත් කරන්නට සිද්ධ වෙලා තිබේ.

ඒ කාරිය සඳහා ඒ අය වෙන්නේ පුදුමාකාර මහන්සියකි. ඒ අය කොච්චර තියුණු ඉවක් දියුණු කරගෙන ඉන්නවාද කියතොත්, මිනිහෙක් මොකක් හරි අපරාධයක් කරන්නට යන වග මුලින්ම දැනෙන්නේ ඒ අයටය. ඒ ගොල්ලන් නගරයේ ඉඳන් ඈත ගම්මාන වලට පවා ගිහිං, අර අපරාධය කරන්නට නියමිත තැන කාටවත් නොපෙනී හැංගිලා ඉන්නවෝය. ඒ ඉඳගෙන අර අපරාධ කරායා තමන්ගෙ ගොදුර එක්ක කරන හැම කතා බහක්ම පටිගත කරගන්නවෝය. ඊටත් අමතරව අපරාධ කාරයාට සහ ගොදුරට ඒ ඒ වෙලාවේ හිතුනේ මොනවද කියන එකත් ඒ අයට දැනෙනවාය. ඒ ඔක්කොම එක්කාසු කරලා ඒ අය ලියන පුවත් වාර්තාව හරියට චිත්‍රපටියක් වගේ කියවන්නාට රස විඳින්නට ඉඩ ලැබේ. අසූව දශකයේ ඉඳන් මේ මෑතක් දක්වා කාලේ උතුරේ යුද්ධය ගැන වාර්තා කළෙත් වැඩියක්ම මේ විදිහට තමාය 

කවුරුන් හරි මිනී මැරුමක් කළානං, ඒ මිනීමැරුම කළ හැටි පියවරෙන් පියවර අපේ වාර්තා කාරයා විස්තර කරනවාය. මැරෙද්දී මිය ගිය කෙනා වින්ද වේදනාව පවා එයා විස්තර කරයි. කවුරු හරි එල්ලිලා මළා නං එයා මැරෙන්න කලින් මතක් වෙච්ච දේවල්, හිතිච්ච දේවල් වරාතා කාරයා දන්නවාය. හරිනං නඩුකාරයා මුලින්ම උසාවියට කැඳවන්න ඕනේ ඒ වාර්තා කාරයාවය. ඒත් එහෙම කරන් නැත්තේ වාර්තා කාරයන් හරිම කාර්ය බහුල විදිහට ජනතාවට පුවත් වාර්තා කරන නිසාය. ඒ අයට උසාවි ගානේ ලගින්නට වෙලාවක් නැත.

මෙච්චර ආයාසයක් අරගෙන මුදලාලිලා මිනිස්සු ඉල්ලන දේවල් දීලා මිනිස්සුන්ව පිණවන, මිනිස්සුන්ට සේවය කරන වාර්තා කාරයන්ට බණින එක හරි නැත. ජනතාව අපරාධ වලට, සියදිවිනසා ගැනීම් වලට පෙළඹෙන්නේ පේස්බුක් හින්දාමය. ඒ අය නිසා නෙමෙයිය. ඒ නිසා නලීන් දිල්රුක්ෂ කියන එක්කෙනා මේ ලියා තියෙන දේට අපි බොක්කෙන්ම විරුද්ධ වෙමු. පත්තර වල, ගොසිප් සයිට් වල සහ සමහර ටීවී නිවුස් වල පෙන්නන දේවල් වලට විරුද්ධ වෙන්නන් සියල්ලන්ගේම පස්ස පැති වලට ඩ්‍රැකියාගේ පයින් පහර මෙන්න! ඔක්කොගෙම බියගුළු ක්‍රියාව මෙයින් තරයේ හෙළා දකිනු ලැබේ. සමහර විට මෙහෙම ඒ අයට විරුද්ධ වෙන්නේ, වාර්තා කාරයෝ පරිණාමය වෙලා තියෙන්නේ අර කවි කොළ කාරයන්ගෙන් කියා දන්නේ නැති අය වෙන්නත් පුළුවං ය.

සාතිශය සංවේගය...

සිනමාවේ පරමාදර්ශී පෞරුෂයන් කීපයක්ම සමඟිනි, මා ගැටවර විය පසු කළේ. ඒ අතර, මුලින්ම මාගේ මනසට ඇතුලු වූයේ El Cid හි චාල්ටන් හෙස්ටන් ය. එම චිත්‍රප...

ගොඩක්ම කියවපු ලිපි