ආරස්සාවට බුද්ධ දර්ශනය... 2015 වෙසක් කළාපය

https://lh3.googleusercontent.com/
-cko8ah6a_JQ/VDgb1pD3OCI/
AAAAAAAAAFw/fLk_LCrMJJI
/w426-h280/14%2B-%2B1

බෞද්ධයන්ගේ ආරක්ෂාවට යැයි කියමින් උදේ හවස රේඩියෝ චැනල් කීපයක ප්‍රචාරය කරන සූත්‍ර කීපයක් අතරින්, ධජග්ග සූත්‍රය මේ පාර වෙසක් කළාපයේ පළවෙනි ලිපියෙන් සාකච්ඡා කරන්න බලාපොරොත්තු වෙනවා. මේ සූත්‍රය අඩංගු වෙන්නේ, සූත්‍ර පිටකයේ, සංයුක්ත නිකායේ, සගාථා වර්ගයේ, සක්ක සංයුක්තයේ, සුවීර වර්ගයේ, තුන්වෙනි සූත්‍රය හැටියටයි.

බුදුන් වහන්සේ සැවැත් නුවර අනේපිඬු සිටුවරයා පූජා කළ ජේතවනාරාමයේ වැඩ සිටින කාලයක, භික්ෂූන් වහන්සේට මෙසේ දේශනා කළ සේක:

සුරයන් සහ අසුරයන් අතර යුද්ධයක් පැවතුණු කාලයක දී, ශක්‍ර දෙවියන්, තව්තිසාවේ අනෙක් දෙවියන් අමතා, මෙසේ කීවා,

"යුද්ධයේදී ඔබ කිසිවෙකුට බියක් ඇති වුනොත්, මාගේ (රථයේ ඇති) කොඩියේ අග බලන්න. (සමහර විට එයින් අදහස් කෙරුණේ, එතකොට, ශක්‍ර දෙවියනුත් අනෙක් දෙවියන් සමඟ යුධ පිටියේ ම සිටින බව දැකලා, දෙවියන් ධෛර්යවත් වීම වෙන්න පුළුවන්.) මාගේ කොඩියේ අග දුටු විට ඔබට ඇති වන බිය, තැති ගැන්ම හෝ ලොමුදැහැ ගැන්ම පහ වෙනු ඇති.

මගේ කොඩියේ අග නෙපෙනේ නම්, ප්‍රජාපතී දෙව්රජගේ කොඩියේ අග දෙස බලන්න. එයත් නොපෙනේ නම්, වරුණ දෙව් රජගේ කොඩියේ අග බලන්න. එයත් නොපෙනේ නම් ඊසාන දෙව් රජගේ කොඩියේ අග දෙස බලන්න. එම කොඩි දකින විට ඔබගේ බිය පහ වී යනු ඇති."

නමුත්, ශක්‍ර දෙවියන්ගේ හෝ, ප්‍රජාපති දෙවියන්ගේ හෝ, වරුණ දෙවියන්ගේ හෝ ඊසාන දෙවියන්ගේ හෝ කොඩි දිහා බැලීමෙන් බියක්, තැතිගැනීමක් හෝ ලොමුදැහැගැනීමක් පහ වෙන්නටත්, නොවෙන්නටත් ඉඩ තියෙනවා. (බියපත් වූ තැනැත්තාගේ මනසේ ස්වභාවය අනුව එසේ වන්නේයැයි මගේ පුද්ගලික අදහසයි) මක්නිසාද, ඒ දෙවි රජ වරු, රාගය, ද්වේෂය හෝ ‍මෝහය පහ කළ අය නොවේ. එසේම, ඒ දෙවි රජවරු පවා, බිය වනසුළුයි, තැති ගැනෙනසුළුයි, ත්‍රස්ත වනසුළුයි, පළා යනසුළුයි.

http://1.bp.blogspot.com/-iz5W0i4LDXU/
Tyj50NF-U8I/AAAAAAAAAvU/
xywYoJcs2P8/s1600/indra.jpg

මම ඔබට කියන්නේ, ඔබ ආරණ්‍යයකට (වනගත ප්‍රදේශයකට) හෝ ගසක් මුළකට හෝ ශූන්‍යාගාරයකට (සොහොන්පිටි සහ එවැනි ජනශූන්‍ය පාළු තැන්) වලට ගිය විට, බයක් තැති ගැනීමක්, ලොමුදැහැ ගැනීමක් ඇති වුනොත්, එවිට මා සිහිකරන්න. නැත්නම් මා දෙසා ඇති ධර්මය සිහිකරන්න, එසේත් නැත්නම්, මාගේ මාර්ගය අනුගමනය කරන සංඝයා වහන්සේ සිහිකරන්න. එවිට ඔබට ඇති වන බිය, තැතිගැනීම හෝ ලොමුදැහැගැන්ම පහ වී යාවි.

මක්නිසාද, අර්හත් වූ, සම්මා සම්බුද්ධ වූ (මේ බුදු ගුණ වල තේරුම ඕනෙ නම් මෙතන තියෙනවා.) බුදුන් කියන්නේ, රාගය, ද්වේෂය, මෝහය පහ කළ තැනැත්තෙක් වගේම, බිය නොවන, තැති නොගන්නා, කිසි දෙයකින් ත්‍රස්ත නොවන, පළා නොයන තැනැත්තෙක් වන නිසා.

මේ සූත්‍රයෙන් අපිට වටහා ගන්න පුළුවන් මොනවද:

1. අපට ඇතිවන බියට ස්ථිරසාර පිළියම වන්නේ බුදුන්, දහම්, සඟුන් සිහිපත් කිරීම පමණක් බව. 

ධර්මය සිහිපත් කිරීමෙන් මිසක්, ධර්මය ඇතුළත් පාලි පාඨ (තේරුම නොදැන) උච්ඡාරණය කිරීමෙන් හෝ අසා සිටීමෙන් හෝ, ඇහුනොත් ඇහුනාවේ කියා ඔහේ රේඩියෝ එක දාගෙන සිටීමෙන් හෝ බෞද්ධයන්ට බිය දුරු කරගැනීමට හැකියාවක් ලැබෙන්නේ නෑ.

2. අපට ඇතිවන බිය ට පිහිටක්, කිසි දෙවිකෙනෙකුගෙන් බලාපොරොත්තු වෙන්න බැරි බව. 

ගොඩක් දෙවි වරු, ආභරණ පොරවාගෙන, අඹුවන් දරුවන් පිරිවරාගෙන, රාගයෙන් පිරුණු අය විදිහටයි නිරූපණය වෙන්නෙ. ඒ වගේම යුද්ධයට, නපුරු වැඩ වලට දක්ෂ නිසා ද්වේෂයෙනුත් අඩුවක් නෑ. ඒ වගේම මිනිස්සු පිහිට පතාගෙන යද්දි ඉල්ලන දේවලට ගාස්තු විදිහට අපි එක එක  දේවල් දෙන්න භාර වෙනවා. ඒ කියන්නෙ ඒ දෙවියන්ට තෘෂ්ණාවත් තියෙනවා. අපි භාර වෙන දේවල් ඔප්පු කරද්දි, දෙවියන්ව බොහොම පහත් විදිහට රවට්ටනවා. ඒ කියන්නෙ ‍ඒ දෙවි වරුන්ට මෝහයත් අඩු නැතිව තියෙනවා.

ඒ වගේ දෙවියන්ගෙන් අපිට ලැබෙන පිහිට ... ?

බාප්පගෙ කතන්දර - අංක 2

බාප්පා තමන්ගෙ දුවයි පුතයි නින්දට යනකන් කියපු කතන්දරයක් මීට කලින් පෝස්ටුවකින් කියෙව්වා මතක ඇති. අද ඒ කතන්දරයේ ඉතිරි කොටස...

http://www.sundaytimes.lk
/030810/images/fun7.jpg

කොක්කු දෙන්නට ටැංකිව් කියන්න ගිහිං ඉබ්බා කෝට්ට අත ඇරිලා බිමට වැටුණා. බිමට වැටිච්ච පාරට උගෙ කකුලක් ඇමැට්ටි උනා. ඒකට බෙහෙත් ගන්න ඌ වෙදමහත්තයා ගාවට ගියා. වෙදමහත්තයා එයාගෙ ගෝලයො වෙච්ච ගිරව් දෙන්නෙකුට කිව්වා ඉබි කකුලට බෙහෙත් කරන්න කෝඳුරු තෙල් හොයාගෙන එන්න කියලා.

ඉබ්බට බෙහෙත් හොයන්න ගිරව් දෙන්නා දෙපැත්තකට පියාඹලා ගියා. එක ගිරවෙක් තාපසයො වගයක් ඉන්න හරියකට ගිහිං බොහොම ධාර්මික විදිහට හැදුනා. අනිත් ගිරවා ගියෙ කැලේ හොරු හතර දෙනෙක් ගාවට. ඒ ගිරවා මහ දාමරික විදිහට හැදුනා.

ඒ හොරු රැළ දවසක් හොරකමේ යද්දි වෙල් යායක් මැද්දෙන්, ඒ වෙලේ ගොයම් කකා හිටපු අලියෙක් දැක්කා. හොරු හතර දෙනා ඒ අලියගෙ වලිගෙ එල්ලුනා දිවිය ලෝකෙ යන්න හිතාගෙන. ඒ වුනාට අලියා උන්ට පයිං ගහලා කැලේට දිව්වා.

අලියා දුවනකොට, හම්බවුනා අර ඉබ්බට පැරදිච්ච හාවා. ඒ හාවට හම්බවුනා ලබු ඇට දෙකක්. ඌ ඒ ලබු ඇට දෙක අරං යද්දි අත් වල කොහොල්ලෑ ගාගත්ත නරියෙක් මුණ ගැහුණා. හාවා ඌට හමුබවුනු ලබු ඇට දෙකෙන් එකක් නරියට දුන්නා.

දෙන්නම ඒ ලබු ඇට ගෙනෙහිං හිටෙව්වා. හාවා ලබු ඇටේ හිටෙව්වෙ පාත්තියක. ඒකට ඌ උදේ හවස වතුර දැම්මා. අන්තිමේ වතුර වැඩි වෙලා ඒ ලබු ඇටේ පැළවේගෙන එද්දි මුල් කුණු වෙලා මැරුණා.


නරියා ලබු ඇටේ හිටෙව්වෙ ලිප් බොක්කෙ. ඌ ඒකට වතුර දැම්මෙ නෑ. චූ කළා විතරයි. ඉතිං යූරියා ගතියටයි, ලිපේ තිබ්බ අළු වලටයි, ඒ ලබු ඇටේ හොඳ සරුවට වැවිලා මහ බර සාර වැලක් හැදුනා. නරියා ඒ ලබු වැල දිගේ උඩට නැගලා යෝධයෙක්ගෙ මාළිගාවකට ගියා. 

“එතන උගෙ ආච්චි හිටියා...!” (බාප්පගෙ කතාව අහගෙන ඉඳලා ඉඳලා බැරිම තැන පුංචි මැද්දට පැන්නා.)

ඉතිරි කොටස ළඟදීම... (ඒ කියන්නෙ කතාව එතන ඉඳං ‍අමුණගන්න තාම බැරි උනා)

19 වන සංශෝධනය - තේරෙන සිංහලෙන්... ඉතිරි කොටස

http://www.dailynews.lk/sites/
default/files/styles/original_
watermarked/public/news/2015/02/09/
z_fea800.jpg?itok=oJdRQOqN

මුල් කොටස මෙන්න මෙතන පළ වුනා. මේ දෙවන කොටස...

29 වන වගන්තිය

අධිකරණයේ ස්වාධීනත්වය යටතේ, අගවිනිසුරු, ශ්‍රේෂ්ඨාධිකරණ විනිසුරු වරුන්, අභියාචනාධිකරණයේ සභාපති සහ අභියාචනාධිකරණ විනිසුරු වරුන් පත්කරන්නේ ආණ්ඩුක්‍රම ව්‍යවස්ථා සභාවේ අනුමතයට යටත්ව, ජනාධිපතිවරයා තම අත්සන යටතේ වූ අධිකාර පත්‍රයකින් බව
(කලින් මේකියන ආණ්ඩුක්‍රම ව්‍යවස්ථා සභාවේ අනුමතය අවශ්‍ය බවක් තිබුණෙ නෑ.)

30 වන වගන්තිය

අගවිනිසුරු හෝ ශ්‍රේෂ්ඨාධිකරණ විනිසුරු වරුන් හෝ අභියාචනාධිකරණයේ සභාපති හෝ විනිසුරු වරයන්, රෝගාතුර වීම, විදේශගත වීම හෝ වෙනත් හේතුවක් නිසා ධූරයේ කටයුතු කිරීමට තාවකාලිකව නොහැකි විට වැඩබැලීමට පත් කළ හැක්කේ, ආණ්ඩුක්‍රම ව්‍යවස්ථා සභාවේ අනුමතය යටතේ බව.
(කලින් මේකියන ආණ්ඩුක්‍රම ව්‍යවස්ථා සභාවේ අනුමතය අවශ්‍ය බවක් තිබුණෙ නෑ.)

31 වන වගන්තිය

අධිකරණ සේවා කොමිෂන් සභා‍ව ගැන තියෙන විධිවිධාන වෙනස් කර තියෙනවා.

අධිකරණ සේවා කොමිෂන් සභාවේ සංයුතිය - අගවිනිසුරු සහ, ආණ්ඩුක්‍රම ව්‍යවස්ථා සභාවේ අනුමැතියට යටත්ව ජනාධිපති පත් කරන ශ්‍රේෂ්ඨාධිකරණයේ ජ්‍යෙෂ්ඨතම විනිසුරු වරයන් දෙදෙනා වන බව

(කලින් මේකියන ආණ්ඩුක්‍රම ව්‍යවස්ථා සභාවේ අනුමතය අවශ්‍ය බවක් තිබුණෙත් නෑ, ශ්‍රේෂ්ඨාධිකරණයේ ජ්‍යෙෂ්ඨතම විනිසුරු වරයන් දෙදෙනා කියන වචන තිබුණෙත් නෑ.)

මෙයින්, ජනාධිපතිවරයාටවත් ආණ්ඩුක්‍රම ව්‍යවස්ථා සභාවටවත්, තමන්ට ඕනෙ විනිසුරු වරුන් පත් කරන්න හැකියාවක් නැතිව යනවා.

ඉහතින් කියලා තියෙන ජ්‍යේෂ්ඨතම විනිසුරු වරයන් දෙදෙනා මුල් අවස්ථා අධිකරණයක (ප්‍රාථමික අධිකරණ, මහේස්ත්‍රාත් අධිකරණ, දිසා අධිකරණ සහ මහාධිකරණ) පළපුරුද්ද නැති අය වන විට ශ්‍රේෂ්ඨාධිකරණ‍‍යේ ජ්‍යෙෂ්ඨතම විනිසුරු වරයන් දෙදෙනාගෙන් කෙනෙක් සහ මුල් අවස්ථා අධිකරණ‍යක විනිසුරුවරයෙක් වශයෙන් පළපුරුද්ද ‍ඇති ශ්‍රේෂ්ඨාධිකරණයේ ඊළඟ ජ්‍යෙෂ්ඨතම විනිසුරුවරයෙක් පත් කළ යුතුයි.

32 වන වගන්තිය

අධිකරණ සේවා කොමිෂන් සභාවේ සාමාජිකයන්ට ජනාධිපති වරයා නිවාඩු දුන් විට, වැඩබැලීමට පත් කළ යුත්තේ ආණ්ඩුක්‍රම ව්‍යවස්ථා සභාවේ අනුමැතියට යටත්වය.

එම සාමාජිකයන් ඉවත් කළ හැක්කේ  ආණ්ඩුක්‍රම ව්‍යවස්ථා සභාවේ අනුමැතිය ඇතිව, ජනාධිපතිවරයා විසින් හේතු ද දැක්වීමෙනි.

(කලින් මේකියන ආණ්ඩුක්‍රම ව්‍යවස්ථා සභාවේ අනුමතය අවශ්‍ය බවක් තිබුණෙ නෑ.)

33 වන වගන්තිය

122 ව්‍යවස්ථාව (හදිසි පණත් කෙටුම්පත් සම්මත කිරීම) ඉවත් කිරීම

122 ව්‍යවස්ථාවේ තියෙන්නේ, 120 හා 121 ව්‍යවස්ථා වල සඳහන් වෙන කාරණයක් සම්බන්ධවයි. ඒ, සාමාන්‍යයෙන් පණතක් සම්මත කරන ආකාරය ගැනයි:

121 යම්කිසි පණත් කෙටුම්පතක් හරි ඒකක එක් විධිවිධානයක් ආණ්ඩුක්‍රම ව්‍යවස්ථාවට අනුකූලද යන්න ගැන තීරණය කිරීමේ තනි බලය ශ්‍රේෂ්ඨාධිකරණයට තියෙන බව.

නමුත්, ආණ්ඩුක්‍රම ව්‍යවස්ථාව සංශෝධනය කරන හෝ අලුත් ආණ්ඩුක්‍රම ව්‍යවස්ථාවක් සම්මත කරන පණතක් නම්, ඒක 2/3 බලයෙන් සහ ජනමතවිචාරණයකින් සම්මත කිරීමට කැබිනට් මණ්ඩලය තීරණය කර ඇත් නම්, ශ්‍රේෂ්ඨාධිකරණය ඒ බලය ක්‍රියාත්මක නොකළ යුතුයි. එහෙම නැතුව, සරළ බ‍හුතරයෙන් සම්මත කරන්නට කැබිනට් මණ්ඩලය තීරණය කරනවා නම්, ඒකට 2/3 ක් / ජනමත විචාරණයක් අවශ්‍යද යන්න පමණක් ශ්‍රේෂ්ඨාධිකරණයට තීරණය කළ හැකියි.

121 මේ බලය ක්‍රියාත්මක කරවන්නට නම්, අගවිනිසුරු වෙත ජනාධිපති වරයා විසින් හෝ, ශ්‍රේෂ්ඨාධිකරණයට පුරවැසියෙකු විසින් ලිඛිතව ඉල්ලීමක් කළ යුතුයි. ඒකත්, පාර්ලිමේන්තු න්‍යාය පත්‍රයට අදාළ පණත ඇතුළත් කර සතියක් ඇතුළත කළ යුතුයි. ඒ ඉල්ලීමේ පිටපතක් කථානායකට භාර දිය යුතුයි.

ඒ ගැන ශ්‍රේෂ්ඨාධිකරණ තීරණය සති තුනක් ඇතුළත ජනාධිපතිවරයාට සහ කථානායකවරයාට ඉදිරිපත් කළ යුතුයි.

එහෙම ඉල්ලීමක් කළ විට, ඒ ගැන ශ්‍රේෂ්ඨාධිකරණය තීන්දුවක් දෙන තුරු හෝ, සති තුනක් ගෙවෙන තුරු පාර්ලිමේන්තුවේදී ඒ ගැන කිසිම පියවරක් නොගත යුතුයි.

122 ව්‍යවස්ථාවෙ තියෙන්නෙ:

ජාතියේ හිත පිණිස වහා අවශ්‍ය වන බවට කැබිනට් මණ්ඩලය තීරණය කරන සහ, ඒ බවට කැබිනට් මණ්ඩල ලේකම් අත්සන් කරන සහතිකයක් ඇති විට, ඉහත විධිවිධාන අදාළ නොවන බවයි.

එවිට, ඒ පණත් කෙටුම්පත ආණ්ඩුක්‍රම ව්‍යවස්ථාවට අනුකූලද යන්න ජනාධිපතිවරයා ලිඛිතව (කථානායකට පිටපතක් සහිතව) ශ්‍රේෂ්ඨාධිකරණය විමසිය යුතුයි.

ශ්‍රේෂ්ඨාධිකරණය ඒ කාරණය පැය විසි හතරක් ඇතුළත හෝ ජනාධිපති නියම කරනවානම්, දින තුනක උපරිම කාලයක් තුළ තම තීරණය ජනාධිපතිවරයාට හා කථානායකට පමණක් දැනුම් දිය යුතුයි.

(18 වන සංශෝධනයත් සම්මත කරගත්තේ මේ විදිහෙ හදිසි පණතක් විදිහටයි. එතකොට, මහජන හිතසුව පිණිස ඉදිරිපත් කරන පණතක් සම්බන්ධයෙන් මහජනතාවට විරෝධය පළකරන්න අවස්ථාව අහිමි වෙනවා. මෙයින් පස්සෙ ඒ තක්කඩි වැ‍ඩේ කරන්න බැරි වෙනවා.)

34 වන වගන්තිය

හදිසි පණත් කෙටුම්පත් ගැන සඳහන් වන තවත් තැනක් වන, 123 (3) අනු ව්‍යවස්ථාව ඉවත් කිරීම.

35 වන වගන්තිය

124 වන ව්‍යවස්ථා‍වේ, 122 වගන්තිය කියන සඳහන ඉවත් කිරීම. (හදිසි පණත් සම්මත කිරීම ගැන කියවෙන හැම තැනක්ම ඉවත් කළ යුතු නිසා.)

36 වන වගන්තිය

ජනාධිපතිවරයා ඉවත් කිරීමට පාර්ලිමේන්තුවේ සම්මත කිරීමට අදහස් කරන චෝදනා ගැන පාර්ලිමේන්තු මන්ත්‍රී වරයෙක් කථානායක වරයාට දැන්වීමක් කළ විට, 38 ව්‍යවස්ථාව (මේ පෝස්ටුවේ මුල් කොටසේ තියෙනවා) අනුව, කථානායක වරයා ඒ ගැන ශ්‍ර්ෂ්ඨාධිකරණය විමසූ විට, ශ්‍රේෂ්ඨාධිකරණය තම තීරණය මාස දෙකක් තුළ වාර්තා කළ යුතු බව දැක්වෙන වගන්තිය ඉවත් කරලා තියෙනවා.

ඒ වගේම, ශ්‍රේෂ්ඨාධිකරණය ඉදිරිපත් කරන්නේ, තමන්ගේ "මතය හා වාර්තාව"  පමණයි කියා වෙනස් කර තියෙනවා, "තීරණය" කියන වචනය ඉවත් කිරීම මඟින්.

37 වන වගන්තිය

134 වන ව්‍යවස්ථා‍වේ, 122 වගන්තිය කියන සඳහන ඉවත් කිරීම. (හදිසි පණත් සම්මත කිරීම ගැන කියවෙන හැම තැනක්ම ඉවත් කළ යුතු නිසා.)

38 වන වගන්තිය

අවිනිශ්චිත අවස්ථා අරමුදලෙන් මුදල් නිදහස් කිරීමට බලය ලත් නිලධාරියා වෙනස් කිරීම.

අයවැයෙන් මුදල් වෙන් කර නැති හෝ, එසේ වෙන් කර ඇති මුදල් ප්‍රමාණවත් නැති, අනපේක්ෂිත හදිසි වියදමක් ඇති විට, මේ අරමුදලෙන් මුදල් අත්තිකාරමක් හැටියට නිදහස් කරගෙන, අදාළ වියදම දරන අතර, පසුව පරිපූරක ඇස්තමේන්තුවක් (ඒ කියන්නෙ අයවැයට කරන සංශෝධනයක් වගේ දෙයක් - අවුරුද්දකට ‍මේ වගේ යෝජනා 60 කට වඩා පහුගිය රජයෙන් සම්මත කරගෙන තියෙනවා.) පාර්ලිමේන්තුවෙන් සම්මත කරගෙන, එයින් අර අත්තිකාරම පියවිය යුතුයි.

කලින් විධිවිධාන තිබුණෙ, මුදල් ඇමතිවරයා ජනාධිපති ගේ කැමැත්ත ඇතිව අවිනිශ්චිත අවස්ථා අරමුදලෙන් මුදල් නිදහස් කරගත යුතු බවයි.

19 වන සංශෝධනයෙන් මේ බලය, "මුදල් ඇමතිවරයා අගමැති වරයාගේ කැමැත්ත ඇතිව" කියා වෙනස් කර තියෙනවා.

(කලින්, චන්ද්‍රිකා බණ්ඩාරනායක ජනාධිපතිවරිය සහ මහින්ද රාජපක්ෂ ජනාධිපතිවරයා මුදල් ඇමතිකමත් දැරූ නිසා, මේ වගේ අවස්ථාවකදී කණ්ණාඩිට ඉස්සරහට ගිහින් කැමැත්ත ලබා ගෙන අවිනිශ්චිත අවස්ථා අරමුදලින් මුදල් නිදහස් කරගන්න ඇති. යම් මුදල් බලයක් සම්බන්ධව පාලනයක් පැවතිය යුතු නිසා දෙන්නෙකුට බලය ලබා දෙනවා. සේප්පුවක් අරින්න වුණත් යතුරු දෙකක් තියෙනවා. රජයේ චෙක් එකක වුනත් අත්සන් දෙකක් ගහනවා.)

39 වන වගන්තිය

විගණකාධිපති පත් කරන්නේ ත්, වැඩබලන විගණකාධිපතිවරයෙක් පත් කරන්නේත්, ආණ්ඩුක්‍රම ව්‍යවස්ථා සභාවේ අනුමැතියට යටත්ව ජනාධිපති විසින් බව, (කලින් තිබුණේ නිකම්ම ජනාධිපති විසින් බවයි.)

40 වන වගන්තිය

විගණන සේවා කොමිෂන් සභාවක් ස්ථාපිත කිරීම

සංයුතිය
- විගණකාධිපති (සභාපති)
- නියෝජ්‍ය විගණකාධිපති තනතුරට වඩා ඉහළ තනතුරක සිට විගණකාධිපති දෙපාර්තමේන්තුවෙන් විශ්‍රාම ගිය නිලධාරීන් දෙදෙනෙක්
- ශ්‍රේෂ්ඨාධිකරණයේ, අභියාචනාධිකරණයේ හො මහාධිකරණයේ විශ්‍රාමලත් විනිසුරු වරයෙක්,
- ශ්‍රී ලංකා පරිපාලන සේවයේ 1 පන්තියේ සේවය කර විශ්‍රාම ගිය නිලධාරියෙක්
(සභාපති ඇර අනෙක් සාමාජිකයන් ආණ්ඩුක්‍රම ව්‍යවස්ථා සභාවේ නිර්දේශ මත ජනාධිපති විසින් පත් කළ යුතුයි.)

ආයු කාලය අවුරුදු 3යි. වරක් පත්කළ අයෙක්, ආණ්ඩුක්‍රම ව්‍යවස්ථා සභාවේ නිර්දේශ මත නැවත පත් කළ හැකියි. සාමාජිකයන් ඉවත් කිරීමේදී, ජනාධිපතිවරයා, හේතු දක්වමින්, ආණ්ඩුක්‍රම ව්‍යවස්ථා සභාවේ අනුමැතිය ඇතිව ඉවත් කිරීම කළ යුතුයි.

ඔවුන්ට ගෙවන දීමනාව, පාර්ලිමේන්තුව නිශ්චය කරයි.

කොමිෂන් සභාවේ ලේකම් වරයා කොමිෂන් සභාව විසින් පත් කරනු ලැබේ.

රාජ්‍ය විගණන සේවාවක් ස්ථාපනය කිරීම හා මේ කොමිෂන් සභාවේ රැස්වීම් ගැන විධිවිධාන පාර්ලිමේන්තුව විසින් සැලැස්විය යුතුයි.

කොමිෂන් සභාවේ කාර්යයන්-
රාජ්‍ය විගණන සේවයේ නිලධාරීන් ගැන පත්කිරීම්, උසස් කිරීම්, මාරු කිරීම්, විනය පාලනය හා සේවයෙන් 5 කිරීම්
රාජ්‍ය විගණන සේවයේ නිලධාරීන්ගේ බඳවා ගැනීමේ පටිපාටි, පත්කිරීම්, මාරු කිරීම්, විනය පාලනය හා 5 කිරීම් ගැන රීති අනුමත කිරීම,
ජාතික විගණන සේවයේ වාර්ෂික ඇස්තමේන්තුව (අයවැය) සකස් කිරීම,
නීතියෙන් පවරන වෙනත් කාර්යයන්.

කොමිෂන් සභාවේ තීරණයකට, කොමිෂන් සභාවේ සාමාජිකයෙකුට හෝ විගණන සේවයේ නිලධාරියෙකුට බලපෑම් කිරීම හෝ ඊට තැත්කිරීම ට දඬුවම උපරිම රු. ලක්ෂයක දඩයක් සහ / හෝ අවුරුදු 7 ක නොවැඩි සිර දඬුවමක්. (මහාධිකරණ වලින් පැණවිය හැකියි.)

ශ්‍රේෂ්ඨාධිකරණයට ඇති මූලික හා භාෂා අයිතිවාසිකම් ගැන අධිකරණ බලයත්, පරිපාලන අභියාචනා විනිශ්චය අධිකාරියට ඇති බලයත් ඇර, වෙනත් කිසිම ආකාරයකින්, කොමිෂන් සභාවේ කටයුතු කිසිම අධිකරණයකින් ප්‍රශ්න කළ නොහැකියි.

කොමිෂන් සභාවේ කටයුතු වලින් අතෘප්තියට පත් රාජ්‍ය විගණන සේවයේ නිලධාරියෙකුට ඊට විරුද්ධව පරිපාලන අභියාචනා විනිශ්චය අධිකාරියට පැමිණිලි කළ හැකියි.

කොමිෂන් සභාව තම කටයුතු ගැන පාර්ලිමේන්තුවට වගකිව යුතුයි, උත්තර දිය යුතුයි. වාර්ෂිකව වාර්තාවක් පාර්ලිමේන්තුවට ඉදිරිපත් කළ යුතුයි.

41 වගන්තිය

විගණකාධිපතිවරයාගේ කාර්ය ක්ෂේත්‍රය (ෆීල්ඩ් එක) පුළුල් කිරීම

කලින් තිබුණු ප්‍රමාණය:
ආණ්ඩුවේ සියලු දෙපාර්තමේන්තු
අමාත්‍ය මණ්ඩලය,
අධිකරණ සේවා කොමිෂන් සභාව,
රාජ්‍ය සේවා කොමිෂන් සභාව
පරිපාලනය පිළිබඳ පාර්ලිමේන්තු කොමසාරිස් (ඔම්බුඩ්ස්මන්)
මැතිවරණ කොමසාරිස් කාර්යාලය (19 සංශෝධනයෙන් ඉවත් කර ඇත.)
පාර්ලිමේන්තු මහ ලේකම්
පළාත් පාලන ආයතන
රාජ්‍ය සංස්ථා
නීතියකින් රජයට පැවරී ඇති ව්‍යාපාර හා වෙනත් ව්‍යාපාර ආයතන
   වල ගිණුම් විගණනය කිරීම

19 සංශෝධනයෙන් පහත දැක්වෙන ඒවා එකතු කරලා තියෙනවා:
ජනාධිපති ලේකම් කාර්යාලය
අමාත්‍යවරුන්ගේ කාර්යාල
ආණ්ඩුක්‍රම ව්‍යවස්ථා සභාව
ස්වාධීන කොමිෂන් සභා සියල්ල
කොටස් වලින් 40%කට වඩා රජයට හෝ පළාත් පාලන ආයතන වලට අයිති සමාගම්
    වල ගිණුම් විගණනය කිරීම
(මේ සමාගම් ගැන, විගණන පරාසය ගැන කියවෙන හැම තැනකම වෙනස් කිරීම් කරලා තියෙනවා.)

42 වන වගන්තිය

මුදල් කොමිෂන් සභාව (පළාත් වලට ආණ්ඩුවෙන් දෙන ප්‍රදාන ගැන තීරණය කිරීමට පත් කර ඇති) පත් කරන්නේ ආණ්ඩුක්‍රම ව්‍යවස්ථා සභාවේ නිර්දේශ මත ජනාධිපති විසින් බව.

43 වන වගන්තිය

ජාතික පොලිස් කොමිෂන් සභා‍ව පත් කරන්නේ ආණ්ඩුක්‍රම ව්‍යවස්ථා සභාවේ නිර්දේශ මත ජනාධිපති විසින් බව. මෙම නිර්දේශ ඉදිරිපත් කරද්දී රාජ්‍ය සේවා කොමිෂන් සභාව විමසිය හැකි බව,

එහි සාමාජිකයන් අතරින් එක් අයෙක් වත් නියෝජ්‍ය පොලිස්පත් වරයෙක් වශයෙන් සේවය කළ අයෙක් විය යුතු බව.

එහි සාමාජිකයන් ඉවත් කළ හැක්කේ ජනාධිපති විසින් ආණ්ඩුක්‍රම ව්‍යවස්ථා සභාවේ නිර්දේශ මත බව.

44 වන වගන්තිය

ජාතික පොලිස් කොමිෂන් සභාවේ රැස්වීම් වලට (පොලිස්පති සම්බන්ධ කරුණකදී හැර) පොලිස්පති ට සහභාගී වීමට හිමිකම ඇති බව.

45 වන වගන්තිය

ශ්‍රේෂ්ඨාධිකරණයට ඇති මූලික හා භාෂා අයිතිවාසිකම් ගැන අධිකරණ බලයත්, පරිපාලන අභියාචනා විනිශ්චය අධිකාරියට ඇති බලයත් ඇර, වෙනත් කිසිම ආකාරයකින්, ජාතික පොලිස් කොමිෂන් සභාවේ කටයුතු කිසිම අධිකරණයකින් ප්‍රශ්න කළ නොහැකියි.

46 වන වගන්තිය

පොලිස් කොමිසමේ බලතල කමිටුවකට හෝ පොලිස් නිලධාරියෙකුට පවරනු ලැබිය හැකි බව.

47 වන වගන්තිය

පොලිසියට එරෙහිව ජනතාව කරන පැමිණිලි භාරගැනීමට, විමර්ශනය කිරීමට හා ඒ සඳහා කාර්ය පටිපාටි සකස් කිරීමට පොලිස් කොමිසමට බලය ලබා දී තිබූ 155 (ඊඊ) වගන්තිය ඉවත් කරලා 48 වන වගන්තියෙන් නැවත එකතු කරලා තියෙනවා.

48 වන වගන්තිය

ජාතික ‍පොලිස් කොමිසමේ බලතල:

පොලිස්පති හැර අනෙක් පොලිසි නිලධාරීන් පත් කිරීම, උසස් කිරීම, මාරු කිරීම, විනය පාලනය සහ සේවයෙන් 5 කිරීම. මේ බලතල පොලිස්පති වරයා විමසා ක්‍රියාත්මක කළ යුතුයි.

පළාත් පොලිස් කොමිෂන් සභා පිහිටුවන විට (13 වන ස‍ංශෝධනයෙන් ආණ්ඩුක්‍රම ව්‍යවස්ථාවට ඇතුළත් කළත්, තවම පිහිටුවා නැති.) ඒ පළාත් කොමිෂන් වල බලය, මධ්‍යම කොමිසම විසින් අඩු නොකළ යුතුයි.

පොලිසියට එරෙහිව ජනතාව කරන පැමිණිලි භාරගැනීම හා විමර්ශනය කිරීම සඳහා කාර්ය පටිපාටි සකස් කිරීමට පොලිස් කොමිසමට බලය දී තිබෙනවා. ඒ අනුව කොමිසම යම් යම් සහන සැළසීමේදී පොලිස්පති වරයා දැනුවත් කළ යුතුයි.

කොමිසම, පොලිස්පති වරයා විමසා:

- පොලිස් නිලධාරීන් බඳවා ගැනීම, උසස් කිරීම, මාරු කිරීම ගැන පටිපාටි සකස් කිරීම,
- පුහුණුව හා පොලිස් සේවයේ කාර්යක්ෂමතාව වැඩි කිරීම,
- ජාතික හා පළාත් පොලිස් සේවා වල භාවිතය සඳහා අවිආයුධ, වෙඩි ද්‍රව්‍ය හා වෙනත් උපකරණ වල ස්වභාවය හා වර්ගය,
- චර්යා සංග්‍රහ හා විනය පටිපාටි
ඇතුළු සියලු කාරණා සැලසීම නිශ්චය කළ යුතුයි.

පොලිස් කොමිසම නිශ්චය කරන යම් පොලිස් නිලධාරී ගණ සම්බන්ධයෙන් පත් කිරීම්, උසස් කිරීම්, මාරු කිරීම්, විනය පාලනය හා 5 කිරීම් ගැන බලය කොමිසමේ සාමාජිකයන් නොවන කමිටුවකට හෝ පොලිස්පතිවරයා ට හෝ පොලිස්පති වරයා විමසා වෙනත් පොලිස් නිලධාරියෙකුට පැවරිය හැකියි.

ඉහත කියූ පොලිස් නිලධාරියෙක් කළ ක්‍රියාවකින් සෑහීමකට පත් නොවන අයෙකුට, පොලිස්පති වරයා වෙතත්, ඉන් පසු පොලිස් කොමිසමටත් ඉන්පසු පරිපාලන අභියාචනා විනිශ්චය අධිකාරියටත් අභියාචනා කළ හැකියි.

49 වන වගන්තිය

පොලිස් කොමිසම විධිවිධාන පණවන තෙක් දැනට පවතින විධිවිධාන බලාත්මක බව.

50 වන වගන්තිය

ඔම්බුඩ්ස්මන් වරයා පත් කරන්නේ සහ, එම ධූරයේ වැඩබැලීමට තැනැත්තන් පත් කරන්නේ
ජනාධිපති විසින් ආණ්ඩුක්‍රම ව්‍යවස්ථා සභාවේ අනුමැතියට යටත්ව බව.

අල්ලස් හෝ දූෂණ චෝදනා විමර්ෂනය කිරීම සඳහා වූ කොමිෂන් සභාව

පාර්ලිමේන්තුවේ සම්මත වන නීතියකින් අල්ලස් හෝ දූෂණ චෝදනා විමර්ශනය කිරීම සඳහා කොමිසමක් පත් කළ යුතුය. ඊට සාමාජිකයන් පත් කිරීම, බලතල හා කාර්යයන් පාර්ලිමේන්තුවේ සම්මත කරන නීතියෙන් දැක්විය යුතුය. එය පත් කරන තෙක් පවතින කොමිසම බලාත්මක වේ.

ජාතික ප්‍රසම්පාදන කොමිෂන් සභාව

සංයුතිය:

ආණ්ඩුක්‍රම ව්‍යවස්ථා සභාවේ නිර්දේශ මත ජනාධිපති පත් කරන 5 දෙනෙකුගෙන් සමන්විත වේ.
එයින් 3 දෙනෙක් වත් ප්‍රසම්පාදනය, ගණකාධිකරණය, නීතිය හෝ රාජ්‍ය පරිපාලනය ගැන පිළිගත් අත්දැකීම් ඇති අය විය යුතුය.

ධූර කාලය අවුරුදු 3 යි.

ඔවුන්ට පාර්ලිමේන්තුව අනුමත කරන දීමනාවක්, ‍ඒකාබද්ධ අරමුදලින් ගෙවිය හැක. එය ධූර කාලය තුල අඩු කළ නොහැක.

කොමිෂන් සභාවේ කාර්යයන්:

- රජයේ ආයතන වලින් කරන භාණ්ඩ හා සේවා ප්‍රසම්පාදනය (මිළදී ගැනීම්) අනුමත සැළසුම් වලට හා ක්‍රම වලට අනුකූලද යන්න විමසා වාර්තා කිරීම,
- රජයේ ආයතන වල ප්‍රසම්පාදන කටයුතු වලදී සුදුසුකම් ලත් සැපයුම් කරුවන්ට සමාන අවස්ථා ලබාදී ඇත්ද යන්න විමසා වාර්තා කිරීම,
- රජයේ ආයතන වල ප්‍රසම්පාදන කටයුතු වලදී කොන්ත්‍රාත් කරුවන්කරුවන් තෝරාගැනීමේ හා කොන්ත්‍රාත් පිරිනැමී‍මේ පටිපාටියේ සාධාරණ බව හා විනිවිද පෙනෙන සුළු බව විමසා වාර්තා කිරීම,
- රජයේ ආයතන වලින් කරන ඉහළ වටිනාකම් වලින් යුක්ත ප්‍රසම්පාදන වලදී තාක්ෂණික අගැයීම් කමිටු වලට පත් කරන සාමාජිකයන් සුදුසුකම් ලබා ඇත්ද යන්න විමසා වාර්තා කිරීම,
- රජයේ ආයතන පිළිගත් පටිපාටිවලින් බැහැරව කරන ප්‍රසම්පාදන ගැන විමසීම හා වගකිව යුතු නිලධාරීන් ගැනත්, අවශ්‍ය ක්‍රියාමාර්ග ගැනත් වාර්තා කිරීම.

කොමිෂන් සභාවට ඕනෑම තැනැත්තෙක් ගෙන්වා ප්‍රශ්න කිරීමට හා, ඕනෑම ලේඛනයක් හෝ දෙයක් පරීක්ෂා කිරීමට බලය ඇත. මෙය ප්‍රතික්ෂේප කරන ඕනෑම අයෙකුට රු. ලක්ෂයක උපරිම දඩයක් හා / හෝ අවුරුදු 7 ක උපරිම සිරදඬුවමක් පැණවිය හැක. මෙය ඕනෑම මහාධිකරණයකින් නියම කළ හැක.

කොමිෂන් සභාවේ පුරප්පාඩු තිබුණත් එය නොතකා කටයුතු කළ හැක. (මේක වැදගත් - මොකද, මෙහෙම වගන්තියක් නැත්නම්, කාට හරි කොමිෂන් සභාව අක්‍රිය කරන්න ඕනෙ නම් සාමාජිකයන් කීප දෙනෙක් පත් නොකර ඉන්න හෝ ඉවත් කරන්න හෝ පුළුවන්)

කොමිෂන් සභාවේ කටයුතු ගැන සිවිල් හෝ අපරාධ නඩු පැවරීමට නොහැක.

කොමිෂන් සභාවේ කාර්ය පරාසයට යටත් වන ආයතන:

- රජයේ දෙපාර්තමේන්තු,
- රාජ්‍ය සංස්ථා,
- පළාත් පාලන ආයතන,
- රජයට පවරා ගත් ව්‍යාපාර හෝ ආයතන,
- රජය, රාජ්‍ය සංස්ථාවක් හෝ පළාත් පාලන ආයතනයකට 40% කට වඩා කොටස් හිමි සමාගම්,

රජයේ නිලධාරියෙක් යනු කවුද යන්න වෙනස් කිරීම:

රජයේ නිලධාරියෙක් යනු අධිකරණ නිලධාරියෙක් හැර ජනරජය යටතේ වැටුප් ලබන ධූරයක් දරණ ඕනෑම අයෙකි. නමුත් ඊට පහත අය ඇතුළත් වන්නේ නැත.

- ජනාධිපති
- අගමැති
- කථානායක
- ඇමතිවරු
- නියෝජ්‍ය ඇමතිවරු
- පාර්ලිමේන්තු මන්ත්‍රීවරු
- ආණ්ඩුක්‍රම ව්‍යවස්ථා සභාවේ සාමාජිකයන්
- ස්වාධීන කොමිෂන් සභාවල සාමාජිකයන්
- පාර්ලිමේන්තු මහලේකම්
- ජනාධිපතිවරයාගේ කාර්ය මණ්ඩලය
- පාර්ලිමේන්තු මහලේකම් ගේ කාර්ය මණ්ඩලය
- විගණකාධිපති

-----------------------------------------------------
අවසන් කාරණා:

53 වන වගන්තිය

මේ පණතේ සිංහල හා දෙමළ පාඨ වල නොගැළපීමක් තිබ්බොත්, සිංහල පාඨය නිවැරදි සේ පිළිගත යුතුයි.

54 වන වගන්තිය

සැක දුරු කිරීම පිණිස:

දැනට තියෙන පාර්ලිමේන්තුව කලින් විසුරුවා හැරියේ නැත්නම් 2016 අප්‍රේල් 21 දින තෙක් ක්‍රියාත්මක විය යුතුයි.

අප්‍රේල් 22 ට පෙර පහත ධූර දැරූ අය, පණත සම්මත වීමෙන් පසුවත් එම ධූර දැරිය යුතුයි, සංශෝධිත විධිවිධාන වලට යටත්ව එම ධූර වල බලතල, කාර්යයන් ක්‍රියාත්මක කළ යුතුයි:

- ජනාධිපති,
- අගමැති,
- අගවිනිසුරු,
- ශ්‍රේෂ්ඨාධිකරණ විනිසුරු වරු,
- අධිකරණ සේවා කොමිෂන් සභාවේ සාමාජිකයන්,
- අභියාචනාධිකරණ විනිසුරු වරු,
- නීතිපති,
- විගණකාධිපති,
- පොලිස්පති,
- පරිපාලන කටයුතු පිළිබඳ පාර්ලිමේන්තු මහකොමසාරිස් (ඔම්බුඩ්ස්මන්),
- පාර්ලිමේන්තු මහ ලේකම්.

මෙම පණත සම්මත වූ පසු පහත තනතුරු දැරූ අ‍යගේ තනතුරු අහෝසි වේ:

- පාර්ලිමේන්තු සභාව, (මේ වෙනුවට ආණ්ඩුක්‍රම ව්‍යවස්ථා සභාව ස්ථිපිත කෙරේ)
- රාජ්‍ය සේවා කොමිෂන් සභාව,
- ජතික පොලිස් කොමිෂන් සභාව,
- ශ්‍රී ලංකා මානව හිමිකම් කොමිෂන් සභාව,
- අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව, (ඒ කියන්නෙ, ආපහු පාර්ලිමේන්තු පණතකින් කොමිෂන් සභාවක් පිහිටුවන තුරු රටට අල්ලස් කොමිසමක් නැති වෙනවා.)
- මුදල් කොමිෂන් සභාව.

මෙම පණත සම්මත වීමට පෙර සිටි මැතිවරණ කොමසාරිස් වරයා දිගටම ධූරය දරණ අතර, මැතිවරණ කොමිෂන් සභාව පිහිටවීමෙන් පසු ඔහුගේ තනතුර දැරීම අවසන් වේ.

ඊට පෙර මැතිවරණ කොමසාරිස් පැවරූ හෝ, ඔහුට විරුද්ධව පැවරූ නඩු, ඉන් පසු මැතිවරණ කොමිසමට අදාළ නඩු ලෙස සැළකේ.

මැතිවරණ කොමසාරිස් විසින් දුන් තීරණ, නියමයන් ආදිය ඉන් පසුවත් බල රහිත නොවේ.

කලින් කොතනක හෝ සඳවන් වන "මැතිවරණ කොමසාරිස්" හෝ "මැතිවරණ දෙපාර්තමේන්තුව" යන වචන වෙනුවට "මැතිවරණ කොමිෂන් සභාව" යන වචනය අදාළ විය යුතුයි.

මේ පණත සම්මත වීමට පෙර රාජ්‍ය සේවා කොමිසමට ඉදිරිපත් වුනු පොලිස් නිලධාරීන් සම්බන්ධ:
- පත්වීම්, උසස් කිරීම්, මාරුකිරීම්, විනය පාලනය හෝ 5 කිරීම් සම්බන්ධ කරුණු සහ
- අභියාචනා,
පොලිස් කොමිසමට පවරන අතර, පොලිස් කොමිසම ඒවා විභාග කර තීරණ ගත යුතුයි.

මේ පණත සම්මත වීමට පෙර රාජ්‍ය සේවා කොමිසමට ඉදිරිපත් වී තිබූ විගණන සේවයේ නිලධාරීන් සම්බන්ධව:
පත්වීම්, උසස් කිරීම්, මාරුකිරීම්, විනය පාලනය හෝ 5 කිරීම් සම්බන්ධ කරුණු
විගණන සේවා කොමිසමට පවරන අතර, විගණන සේවා කොමිසම ඒවා විභාග කර තීරණ ගත යුතුයි.

55 වන වගන්තිය

3 සිට 9 දක්වා, 11, (11 වගන්තියෙන් ඇතුළත් කරන 46(1) අනු ව්‍යවස්ථාව හැර) 17, 19 සිට 23 දක්වා, 33 සිට 38 දක්වා වගන්ති (2015.04.22 දින සිට බලාත්මක බව කලින් සඳහන් වුනා.) බලාත්මක වන දින සිට මහ මැතිවරණය අවසන් වන දින දක්වා කාලයට:

- ජනාධිපතිවරයා කැබිනට් මණ්ඩල රැස්වීම් වල මූලාසනය දැරිය යුතුයි.
- ජනාධිපතිවරයාට අගමැතිගේ එකඟතාවය ඇතිව තමන් වෙත පවරා ගත යුතු අමාත්‍යාංශ තීරණය කළ හැකියි.

56 වන වගන්තිය

මෛත්‍රීපාල සිරිසේන ජනාධිපතිවරයා ධූරය දරන තාක් කල් පහත විධීවිධාන අදාළ වේ:

- රාජ්‍ය ආරක්ෂාව, මහවැලි සංවර්ධනය හා පරිසරය යන විෂයයන් සඳහා තමන් නිශ්චය කරන වන අමාත්‍යාංශ තමන් භාරයේ තබාගැනීම,
- තමන් පවරාගත් විෂයයන් ගැන තීරණ ගැනීමට හෝ ප්‍රතිපත්ති නිශ්චය කිරීමට කැබිනට් මණ්ඩල රැස්වීමක් කැඳවිය හැකියි. එහි මූලාසනය දැරිය යුතුයි.

19 වන සංශෝධනය - තේරෙන සිංහලෙන්... 01 කොටස

මට හිතෙන විදිහට, රාජ්‍ය පාලනයේ ඇති ගෞරවණීය බව රැක ගැනීමට හෝ, කිව යුතු දේ ඉතාම නිවැරදිව සහ වෙනත් අර්ථ නොලැබෙන ආකාරයට කීමට, පරිපාලනය ගැන තියෙන හැම ලේඛනයක්ම ලියවෙන්නෙ සාමාන්‍ය කියවන්නාට තේරුම් ගැනීමට ආයාසකර භාෂාවකින්. ඒ නිසා, මේ දවස් වල වැඩියෙන්ම කතාවෙන 19 වන සංශෝධන කෙටුම්පත, මට තේරෙන භාෂ‍ාවෙන් විස්තර කරන්නයි මේ වෑයම් කරන්නෙ.

https://i1.wp.com/www.dailymirror.lk/media
/images/Cartoon-of-the-day-17_03_2015.jpg

1 වගන්තිය:
මුලින්ම මේ සංශෝධනයේ 3 සිට 9 දක්වා,11, 17, 19 සිට 23 දක්වා, 33 සිට 38 දක්වා වගන්ති 2015.04.22 දින සිට බලාත්මක වෙන බවත්, 11 වගන්ති‍යෙන් ඇතුළත් කරන 46 (1) අනු ව්‍යවස්ථාව, මේ සංශෝධනය ක්‍රියාත්මක වන දිනෙන් පස්සෙ එළඹෙන මහ මැතිවරණයෙන් පසු බලාත්මක වෙන බවත්, අනික් වගන්ති මේ පණත සම්මත වෙන දින සිට බලාත්මක වෙන බවත් දැක්වෙනවා. (ඒකෙන් පොඩි ඉඟියක් ලැබෙනවා, අප්‍රේල් 22 න් පස්සෙ මහමැතිවරණයකට යන්න අදහස ස්ථිරවම තියෙන බව. කියවන්නන්ගේ පහසුව සඳහා මම ඉහත කියපු වගන්ති ටික විස්තර කරද්දි ඉහත පරිදි අකුරු වලට පාට යොදන්න අදහස් කරනවා.)

2 වගන්තිය:
මූලික අයිතිවාසිකම් ගැන විස්තර කරන කොටසට මෙන්න මෙහෙම වගන්තියක් ඇතුළත් කරනවා. (දැනට ව්‍යවස්ථාවෙන් සහතික කරලා තියෙන මූලික අයිතිවාසිකම් වලට අමතරව.)

රජයේ අමාත්‍යාංශයක්, දෙපාර්තමේන්තුවක්, මණ්ඩලයක්, පළාත් අමාත්‍යාංශයක් හෝ පළාත් දෙපාර්තමේන්තුවක්, පළා‍ත් පාලන ආයතනයක් හෝ යම් තැනැත්තෙක් සතුව තිබෙන,
පුරවැසියන්ගේ අයිතිවාසිකම් ක්‍රියාත්මක කිරීම‍‍ සඳහා හෝ
අයිතිවාසිකම් ආරක්ෂා කිරීම සඳහා
අවශ්‍ය ඕනෑම තොරතුරකට ප්‍රවේශ වීමට
පුරවැසියන්ට අයිතිවාසිකමක් ඇත.

මේ අයිතිවාසිකමට බලපාන සීමා:
        ජාතික ආරක්ෂාව, භෞමික අඛණ්ඩතාව,මහජන ආරක්ෂාව තහවුරු කිරීම,
        විෂමාචාර හෝ අපරාධ වැළැක්වීම,
        සෞඛ්‍යය හෝ සදාචාරය ආරක්ෂා කිරීම,
        අන් අයගේ කීර්තිය හෝ අයිතිවාසිකම් හෝ පෞද්ගලිකත්වය ආරක්ෂා කිරීම,
        විශ්වාසය මත ලබා දුන් තොරතුරු හෙළී කිරීම වැළැක්වීම,
        අධිකරණයේ බලය සහ අපක්ෂපාතීත්වය පවත්වාගැනීම,
        ප්‍රජාතන්ත්‍රවාදී සමාජයක් සඳහා නීතියෙන් නියම කළ හැකි අනික් සීමා,

3. වගන්තිය:
30 ව්‍යවස්ථාව සම්පූර්ණයෙන්ම සංශෝධනය කිරීම.

කලින් තිබුණු 30 ව්‍යවස්ථාව:
(1) ශ්‍රී ලංකා ජනරජයේ ජනාධිපතිවරයෙක් සිටියි. එතුමා:
රජයේ ප්‍රධානියා,
විධායකයේ ප්‍රධානියා,
ආණ්ඩුවේ ප්‍රධානියා,
සන්නද්ධ සේවා වල සේනාධිනායකයා, වේ.

(19 ව්‍යවස්ථා සංශෝධනයෙන් මේ වගන්තිය වෙනස් කරලා නෑ)

(2) ජනාධිපතිවරයා ජනතාව විසින් තෝරා පත් කර ගැනේ. ධූරකාලය අවුරුදු හයයි.

(19 සංශෝධනයෙන් මේ කියන ධූර කාලය අවුරුදු 5 කට අඩු කරනවා. ඒ වෙනස් කම විතරයි කරන්නෙ. 83 ව්‍යවස්ථාවෙ හැටියට නම් මේ වගන්තිය වෙනස් කරන්න ජනමත විචාරණයක් ඕනෙ.)

4. වගන්තිය:
(18 වන සංශෝධනයෙන් ඉවත් කරපු කොන්දේසියක් නැවත ඇතුළත් කිරීම.)

ජනතාව දෙවරක් ජනාධිපතිවරයා ලෙස පත් කරගත් අයෙකු නැවත ජනාධිපති ධූරයට පත් කිරීමට නුසුදුස්සෙක් වන බව,

ජනාධිපතිවරයාට නැවත ජනාධිපතිවරණයක් කැඳවීමට හැකි වන්නේ පළමු ධූරකාලයේ අවුරුදු 4 කට පස්සෙ බව,
(කලින් තිබුණෙ තම වත්මන් ධූර කාලයේ අවුරුදු 4ක් කියලයි.)

31. (3අැ) iii අනු ඡේදය වෙනස් කිරීම

31. (3අැ) වගන්තියෙ විධිවිධාන:
ජනාධිපතිවරණයක ඡන්දය ගැනීම සහ ප්‍රතිඵල ප්‍රකාශ කිරීම අතර කාලයේදී අපේක්ෂකයෙක් මියගියොත් ඒ්ක ගණන් නාෙගෙන ප්‍රතිඵල ප්‍රකාශ කළ යුතුයි. 
දිනා අැත්තේ මියගිය අපේක්ෂකයා නම්, අලුත් ඡන්ද විමසීමක් පැවැත්විය යුතුයි.

ඉහත වගන්ති අනුව, මියයාම නිසා ජනාධිපති ධූරය පුරප්පාඩු වී අැති කාලයට ජනාධිපති ධූරයේ වැඩ බැලිය යුත්තේ කථානායක වරයා හෝ, (කථානායකවරයාට නොහැකි විට නියෝජ්‍ය කථානායකවරයා) ය.

කලින් තිබුණෙ, අගමැතිවරයා ජනාධිපති ධූරයේ වැඩ බැලිය යුතුයි (අගමැති ට නොහැකි විට කථානායකවරයා) කියලයි.

ජනාධිපතිවරණයකින් පසුව හිටපු ජනාධිපතිවරයා අපේක්ෂකයෙක් නොවුනානම් හෝ, ඔහු/අැය ජනාධිපතිවරණයෙන් පරාදයි නම් හෝ, ජයග්‍රාහක අපේක්ෂකයා වහාම ජනාධිපතිධූරයේ වැඩ භාරගත යුතුය. ඒසේ වැඩභාරගන්නා තෙක් හිටපු ජනාධිපති වැඩ බැලිය යුතුයි. 

දෙසතියක් තුළ ජයග්‍රාහකයා වැඩභාර නොගත්තොත් ජනාධිපති ධූරයේ වැඩ බැලිය යුත්තේ කථානායක වරයා හෝ, (කථානායකවරයාට නොහැකි විට නියෝජ්‍ය කථානායකවරයා) ය.

කලින් තිබුණෙ, අගමැතිවරයා ජනාධිපති ධූරයේ වැඩ බැලිය යුතුයි (අගමැති ට නොහැකි විට කථානායකවරයා) කියලයි.

5. වගන්තිය:

ජනාධිපතිවරයාගේ කාර්යයන් සංශෝධනය කිරීම:

අලුතෙන් ඒකතු කර අැති කරුණු-
    ජනාධිපතිවරයා ජාතික සමඟියේ සංකේතය විය යුතුය. (කොහොමද ඒ්ක කෙරෙන්නෙ කියලා පැහැදිලි කරලා නෑ)
         අාණ්ඩුවෙ සියලු අංශ, අාණ්ඩුක්‍රම ව්‍යවස්ථාව අනුගමනය කරන බව හා අාරක්ෂා කරන බවට වගබලාගැනීම, අාගමික හා ජනවාර්ගික සහජීවනය සුරක්ෂිත කිරීම, තහවුරු කිරීම හා පහසු කිරීම,
         ජාතික ප්‍රතිසං‍න්ධානය හා ඒ්කාබද්ධතාවය ප්‍රවර්ධනය කිරීම,... අාදී කරුණු කීපයක් (ප්‍රායෝගිකව කෙරෙන හැටි ගැන කිසි සදහනක් නැතිව) ජනාධිපතිවරයාගේ කාර්යයන් හැටියට දක්වලා තියෙනවා.

ජනාධිපතිවරයාගේ බලතල අතරට, පාර්ලිමේන්තුව කැදවීමට, වාර අවසන් කිරීමට, විසුරුවා හැරීමට බලය ඒකතු කර තියෙනවා.

රාජ්‍ය මුද්‍රාව තබා අත්සන් කිරීම ගැන ජනාධිපතිවරයාගේ බලතල ලැයිස්තුව අතරට, "අභියාචනාධිකරණ‍යේ සභාපති සහ විනිශ්චයකාරවරුන් පත් කිරීම" අැතුළත් කර තියෙනවා
(කලින් තිබුණෙ - අගමැති, අමාත්‍ය මණ්ඩලය, අගවිනිසුරු, ශ්‍රේෂ්ඨාධිකරණයේ විනිසුරු වරු, පත් කිරීම,
ජනරජයට අයිති, පවරා දීමට ජනාධිපති ට බලතල අැති ඉඩම් හා නිශ්චල දේපළ පැවරීම කියන කාරණා...)

6. වගන්තිය: 

(අාණ්ඩුක්‍ර්‍රම ව්‍යවස්ථාව යටතේ සහ මහජන අාරක්ෂාව සම්බන්ධ නීති යටතේ) ජනාධිපතිවරයාගේ බලතල හා කාර්යයන් යථා පරිදි ඉටු කිරීම ගැන පාර්ලිමේන්තුවට වග කිව යුතු බව එකතු කරලා තියෙනවා.

7. වගන්තිය:

ජනාධිපතිවරයාට විරුද්ධව නඩු පැවරිය නොහැකි බව:

ජනාධිපතිවරයා ලෙස ධූරය දරන අවස්ථාවක කළ හෝ නොකර හැරිය කිසි ක්‍රියාවකට සිවිල් හෝ අපරාධ නඩු පැවරිය නොහැක. (කලින් මේ සිවිල් හෝ අපරාධ කියන කොටස තිබුණෙ නෑ. තිබුණෙ කිසිම අධිකරණයක කියන වචනය. ඒ කියන්නෙ කිසිම නඩුවක් පවරන්න පුළුවන් කමක් තිබුණෙ නෑ. දැන් බැරි සිවිල් හෝ අපරාධ විතරයි. ඒ කියන්නෙ මූලික අයිතිවාසිකම් වගේ නඩු පවරන්න පුළුවන්.)

නඩු පැවරීමෙන් නිදහස් වීම ගැන තියෙන සීමා:

ඒ වගේම, ජනාධිපතිවරයා නිල තත්ත්වයෙන් කළ හෝ නොකර හැරිය කිසිවක් ගැන නීතිපතිවරයාට විරුද්ධව 126 ව්‍යවස්ථාව යටතේ (ඒ කියන්නෙ මූලික අයිතිවාසිකම් සහ භාෂා අයිතිවාසිකම් කඩවීම් ගැන ශ්‍රේෂ්ඨාධිකරණයට ඉල්ලීමක් කරන්න තියෙන අවස්ථාව) තියෙන හැකියාව මේ  වගන්තියෙන් සීමා වෙන්නෙ නෑ.


යුද්ධය හා සාමය ප්‍රකාශ කිරී්‍මේ බලයත් මේකට යටත් වෙන්නෙ නෑ.

කිසයම් සිද්ධීයක් ගැන නඩු පැවරීමට පුළුවන් කාලසීමාවක් තියෙන විට, ජනාධිපතිවරයා ධූරයේ හිටිය කාලය ඒ කාල සීමාවෙන් අඩු කර ගණන් බැලිය යුතුයි.

ජනාධිපතිවරණ සහ ජනමතවිචාරණ පිළිබඳ නඩු විභාග කරන්නට ශ්‍රේෂ්ඨාධිකරණයට ඇති බලයටත් මේක අදාළ වෙන්නෙ නෑ.

8 වන වගන්තිය

රෝගාතුර වීම, දිවයිනෙන් පිට සිටීම හෝ වෙනත් අවස්ථා වලදී ජනාධිපතිවරයාට ධූරයේ කටයුතු කරන්න බැරි වෙලාවට, කථානායකවරයා හෝ, කථානායකවරයා ට බැරි විට නියෝජ්‍ය කථානායකවරයා වැඩ බැලිය යුතුයි.

(කලින් තිබුණෙ, වැඩබැලීමට ජනාධිපතිවරයා විසින් අගමැතිවරයා පත් කළ යුතුයි, අගමැති ධූරයේ වැඩබැලීමට වෙනත් කැබිනට් ඇමතිවරයෙක් පත් කළ යුතුයි කියලයි.)

9 වන වගන්තිය

ජනාධිපතිවරණ නඩුවකදී, ජනාධිපතිවරණ ප්‍රතිඵලය ශ්‍රේෂ්ඨාධිකරණය විසින් නිෂ්ප්‍රභ කළොත්, හෝ වෙනත් තැනැත්තෙක් ජනාධිපතිවරණය දිනා ඇති බව තීන්දු කළොත්, ඒ වන විට ජනාධිපතිවරයා ලෙස කටයුතු කරන තැනැත්තාගේ ධූරය වහාම අහෝසි වන අතර, නව ජනාධිපතිවරණයක් මාසයක් ඇතුළත පැවැත්වීමේන හෝ, නඩු තීන්දුව අනුව නව ජනාධිපතිවරයා වැඩභාරගන්නා තෙක් ජනාධිපතිධූ‍රයේ වැඩ බැලීම කථානායකවරයා හෝ, කථානායකට බැරි විට නියෝජ්‍ය කථානායකවරයා කළ යුතුයි.

ජනාධිපතිධූරය මොන ක්‍රමයකින් හරි හිස් වුනොත්, පාර්ලිමේන්තු මන්ත්‍රී වරු අතරින් කෙනෙක් රහස් ඡන්දයෙන් සහ ඒකාන්ත බහුතරයක ඡන්දයෙන් (ඒ කියන්නෙ නොපැමිණී මන්ත්‍රී වරුන්ද ඇතුළත්ව 50% කින්) තොරාගත යුතුයි. එතෙක් වැඩ බැලීම කථානායක හෝ නියෝජ්‍ය කථානායක කළ යුතුයි.

(කලින් තිබුණෙ වැඩ බැලීම අගමැති හෝ කථානායක කළ යුතුයි කියලයි.)

(මේ ජනාධිපති ධූරයෙ වැඩ බලන කතාවල්, මොන ක්‍රමයකින් හරි එක පුද්ගලයෙකුට බලය කේන්ද්‍ර වීමේ මොන යම් හරි ඉඩක් ඇතිනම් ඇහුරන්න කරපු සංශෝධනයක් බව පේනවා.)

10 වගන්තිය

17 වන සංශෝධනයෙන් පිහිටුවන ලද, 18 වන සංශෝධනයෙන් නැති කරන ලද ආණ්ඩුක්‍රම ව්‍යවස්ථා සභාව පිහිටුවීම.

සංයුතිය: 

කථානායක, (සභාපති)
අගමැති,
විපක්ෂනායක,
ජනාධිපතිවරයා පත් කරන 1ක්,
අගමැති හා විපක්ෂ නායක නම් යෝජනා කර, ජනාධිපතිවරයා පත් කරන සාමාජිකයන් 5ක්,
අගමැති හා විපක්ෂනායක අයත් නොවන පාරලිමේන්තුව නියෝජනය කරන පක්ෂ හා ස්වාධීන කණ්ඩායම් වල පාර්ලිමේන්තු මන්ත්‍රී වරුන්ගේ බහුතරයේ එකඟතාවයෙන් නම්කර, ජනාධිපතිවරයා පත් කරන 1ක්.

17 සංශෝධනයේ නොතිබුණු 19 න් එකතු කර ඇති දේ:

අගමැති හා විපක්ෂ නායක නම් කරන 5 දෙනා නම් කරදිදි, වෘත්තීය හා සාමාජීය විවිධත්වය, ලංකාවේ බහුවාර්ගිකත්වය පිළිබිඹු වීම සඳහා පාර්ලිමේන්තුව නියෝජනය කරන පක්ෂ වල හා කණ්ඩායම් වල නායකයන්ගේ අදහස් විමසිය යුතුය.

ජනාධිපතිවරයා, අගමැති හා විපක්ෂ නායක නම්කරන තැනැත්තන්, විශිෂ්ට හා අවංක, පොදු වෘත්තීය ජීවිතයේ කීර්තිය ලැබූ, දේශපාලන පක්ෂයක සාමාජිකයන් නොවන අය විය යුතුය.

මේ අය නම් කිරීමෙන් දින 14 ක් ඇතුළත ජනාධිපති වරයා විසින් පත් කළ යුතුයි, එසේ නොකළා වුනත් දින 14න් පසුව ඒ අය සාමාජිකයන් ලෙස පත් කළ බවට සැළකෙනවා.

එක් වරක් පත් කරන ලද අයෙක් නැවත පත් කිරීමට නුසුදුස්සෙක් වේ.

සාමාජිකයන් පුරප්පාඩු වුනත් මේ සභාව ක්‍රියාත්මක වේ. (17 වන සංශෝධනයෙන් පස්සෙ මේ සභාවෙ ජනාධිපතිවරයා පත් කරන තැනැත්තා පත් නොකළ නිසා මේ සභාව ක්‍රියාත්මක වුනේ නෑ. ඒ කපටි වැඩේට මේ වගන්තියෙන් ඇණයක් ගහලා තියෙනවා)

කාර්යයන්:

ආණ්ඩුක්‍රම ව්‍යවස්ථා සභාවේ නිර්දේශ මත ජනාධිපතිවරයා විසින් පත් කළ යුතු අය-

මැතිවරණ කොමිෂන් සභාව
රාජ්‍ය සේවා කොමිෂන් සභාව,
ජාතික පොලිස් කොමිෂන් සභාව,
විගණන සේවා කොමිෂන් සභාව, (19 සංශෝධනයෙන් ඇතිකළ එකකි,)
ශ්‍රී ලංකාවේ මානව හිමිකම් කොමිෂන් සභාව,
අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව,
මුදල් කොමිෂන් සභාව,
සීමා නිර්ණය කොමිෂන් සභාව,
ජාතික ප්‍රසම්පාදන කොමිෂන් සභාව, (19 සංශෝධනයෙන් ඇතිකළ එකකි,)
විශ්වවිද්‍යාල ප්‍රතිපාදන කොමිෂන් සභාව, (මෙතෙක් මෙම කොමිෂන් සභාවට සාමාජිකයන් පත් කළේ ජනාධිපති අභිමතය පරිදි ය.)
රාජ්‍ය භාෂා කොමිෂන් සභාව. (19 සංශෝධනයෙන් ඇතිකළ එකකි,)

මේ අය ඉවත් කිරීම - ආණ්ඩුක්‍රම ව්‍යවස්ථාවේ හෝ ලිඛිත නීතියක විධිවිධාන පරිදි හෝ, සභාවේ අනුමැතිය ඇතිව කළ යුතුය.

ජනාධිපතිවරයා නම් යෝජනා කර, සභාවේ අනුමැතිය මත පත් කළ යුතු පත්කිරීම් -

අගවිනිසුරු හා ශ්‍රේෂ්ඨාධිකරණ විනිසුරුවරයන්,
අභායාචනාධිකරණයේ සභාපති හා විනිසුරුවරයන්,
අධිකරණ සේවා කොමිෂන් සභාවේ සභාපති හැර (නිලබලයෙන් අගවිනිසුරු පත් වේ.) සාමාජිකයන්,
නීතිපති,
විගණකාධිපති,
පොලිස්පති (18 වන සංශෝධනයෙන් මෙයා පත් කිරීම ගැන විධීවිධානය ඉවත් කර තිබුණා.)
ඔම්බුඩ්ස්මන්,
පාර්ලිමේන්තු මහ ලේකම්.

මේ අය ඉවත් කිරීම - ආණ්ඩුක්‍රම ව්‍යවස්ථාවේ හෝ ලිඛිත නීතියක විධිවිධාන පරිදි කළ යුතුය.

ශ්‍රේෂ්ඨාධිකරණ විනිසුරු වරුන්, අභියාචනාධිකරණයේ සභාපති හා විනිසුරු වරයන්, පත්කිරීමේදී ආණ්ඩුක්‍රම ව්‍යවස්ථා සභාව, අගවිනිසුරු ගේ ද, අධිකරණ ඇමතිවරයාගේද, හ්‍රී ලංකා නීතීඥ සංගමයේ සභාපතිගේද අදහස් ලබාගත යුතුය.

11 වන වගන්තිය

ආණ්ඩුක්‍රම ව්‍යවස්ථාව හා මහජන ආරක්ෂාව ගැන පවතින නීති යටතේ සිය බලය හා කාර්යයන් ගැන ජනාධිපති පාර්ලිමේන්තුවට වගකිව යුතුයි කියන වගන්තිය ඉවත් කර තියෙනවා.

අගමැති අමාත්‍ය මණ්ඩලයේ ප්‍රධානියා කරලා තියෙනවා. (කලින් කැබිනට් එකේ ප්‍රධානියා වුනේ ජනාධිපති, එයා කැබිනට් එකේ සාමාජිකයෙක් ද වුණා.)

අගමැතිවරයා, ඇමතිවරු ගණන ද, අමාත්‍යාංශ හා ඒවායේ විෂයයන් ද නිශ්චය කළ යුතුයි. ජනාධිපතිවරයා අගමැතිවරයාගේ උපදෙස් මත ඇමතිවරු, නියෝජ්‍ය ඇමතිවරු, කැබිනට් නොවන ඇමතිවරු පත්කළ යුතුයි. (කළින් තිබුණෙ, අවශ්‍ය නම් අගමැතිගේ අදහස් විමසා ජනාධිපතිවරයා විසින් කළ යුතුයි කියලයි.) අගමැතිවරයාට ඕනෑම අවස්ථාවක අමාත්‍යාංශ වල විෂයයන් වෙනස් කිරීම, අමාත්‍ය මණ්ඩලයේ සංයුතිය වෙනස් කිරීම කළ හැක.

ඇමතිවරුන් හට පවරන ලද බලතල, අගමැතිගේ ඉල්ලීම මත ගැසට් නිවේදනයකින් වෙනත් මන්ත්‍රී වරුන්ට පවරා දිය හැක.

ඇමති මණ්ඩලය උපරිම 30 ක් විය යුතුය.

කැබිනට් නොවන ඇමතිවරු හා නියෝජ්‍ය ඇමතිවරුන්ගේ එකතුව උපරිම 40 ක් විය යුතුය.

19 සංශෝධනය ක්‍රියාත්මක වූ වහාම මීළඟට පවත්වන මහමැතිවරණයෙන් පත්වන පාර්ලිමේන්තුවේ වැඩිම හා දෙවෙනියට වැඩිම මන්ත්‍රීවරුන් ගණනක් අයත් වන පක්ෂ හෝ කණ්ඩායම් දෙක ජාතික ආණ්ඩුවක් පිහිටුවීමට එකඟ වුණොත්, සහ
ඇමතිවරු ගණන් වැඩි කීරීමට පාර්ලිමේන්තුව එකඟ වුණොත්, (කවුද ඉතින් එකඟ නොවෙන්නෙ?)

ඇමතිවරු ගාණ 45 දක්වාත්,

කැබිනට් නොවන ඇමතිවරු හා නියෝජ්‍ය ඇමතිවරුන්ගේ එකතුව 55 දක්වාත් වැඩි කළ හැක.

(මේ ජාතික ආණ්ඩු සම්බන්ධ ව්‍යවස්ථාව මීළඟ මහ මැතිවරණයට විතරයි මේ අනුව අදාළ වෙන්නෙ.)

අමාත්‍ය මණ්ඩලයට, අගමැතිවරයාට හා අමාත්‍යාංශ වලට ලේකම් වරු පත් කරන්නේ කලින් වගේම ජනාධිපති වරයා විසිනි.

අමාත්‍ය මණ්ඩල ලේකම් හා අගමැති ලේකම් අගමැතිවරයාගේ විධානයට යටත්ව ක්‍රියාත්මක විය යුතුයි.
අමාත්‍යාංශ ලේකම් වරු අදාළ ඇමතිවරයාගේ විධානයට අනුව ක්‍රියා කළ යුතුයි.

(කලින්, අමාත්‍යාංශ ලේකම් වරු ඇමතිවරයා මඟහැරලා, ජනාධිපතිට ඕනෙ විදිහට වැඩ කිරීමේ ඉඩක් පැවතුණා. ඒක මේ වගන්තියෙන් හරිගස්සලා තියෙනවා.)

12 වන වගන්තිය

රාජ්‍ය සේවා ‍කොමිෂන් සභාවේ සාමාජිකයන් පත් කිරීම හා ඉවත් කිරීම ආණ්ඩුක්‍රම ව්‍යවස්ථා සභාවේ නිර්දේශය මත සිදුකළ යුතුය.

ජනාධිපතිවරයාට, කොමිෂන් සභාවේ සාමාජිකයෙකු හට මාස 2 ක උපරිමයකට, නිවාඩු දිය හැක. ඒ කාලය තුළ තාවකාලිකව ඒ වෙනුවට පත් කරන සාමාජිකයා ද පත් කළ යුත්තේ ආණ්ඩුක්‍රම ව්‍යවස්ථා සභාවේ නිර්දේශය මතය.

13 වන හා 14 වන වගන්ති

රාජ්‍ය සේවා කොමිෂන් සභාවේ බලතල හා කාර්යයන්, රාසේකො නිශ්චිතව සඳහන් කරන (18 වන සංශෝධනයෙන් මේක "අමාත්‍ය මණ්ඩලය නිශ්චිතව සඳහන් කරන" කියලා වෙනස් කළා.) රජයේ නිලධර ගණ සම්බන්ධව, රාසේකො සාමාජිකයන් නොවන තිදෙනෙකු ගේ කමිටුවකට හෝ රාජ්‍ය නිලධාරියෙකුට පවරාදිය හැක.

15 වන වගන්තිය

රාජ්‍ය සේවා කොමිෂන් සභාවේ තීරණ හෝ ක්‍රියා, (මූලික හෝ භාෂා අයිතිවාසිකම් ගැන ශ්‍රේෂ්ඨාධිකරණයට ඇති අධිකරණ බලයට යටත්ව සහ පරිපාලන අභියාචනා විනිශ්චය අධිකාර‍ය්‍ෙ අභියාචනා විනිශ්චය කිරීමේ බලයට යටත්ව) කිසිම අධීකරණයකින් විනිශ්චය කළ නොහැකි බව. (19 සංශෝධනයෙන් පරිපාලන අභියාචනා විනිශ්චය අධිකාර‍ය්‍ෙ අභියාචනා විනිශ්චය කිරීමේ බලය මේකට එකතු කරලා තියෙනවා. රාසේකො ක්‍රියා හෝ තීරණ වලින් අතෘප්තිමතත් අයෙකුට පරිපාලන අභියාචනා විනිශ්චය අධිකාරියට අභියාචනා කළ හැකියි.)

16 වන වගන්තිය

ජනාධිපතිවරයා විසින්,

ත්‍රිවිධ හමුදාපතිවරු ද,
අණ්ඩුක්‍රම ව්‍යවස්ථා සභාවේ අනුමැතිය ඇතිව නීතිපතිවරයා හා පොලිස්පතිවරයා ද,
පත් කළ යුතුයි.
(18 වන සංශෝධනයෙන් පොලිස්පති වරයා හැලිලා තිබුණා. 19 වන සංශෝධනයෙන් ආණ්ඩුක්‍රම ව්‍යවස්ථා සභාවේ අනුමැතිය අවශ්‍ය බව එකතු කරලා තියෙනවා.)

නීතිපතිවරයා හා පොලිස්පතිවරයා අවුරුදු 60න් ධූරය හැරයා යුතුය.

17 වන වගන්තිය

පාර්ලිමේන්තුවේ ධූර කාලය පළමුවර රැස්වීමෙන් අවුරුදු 5 ක උපරිමයකට අඩු කර තියෙනවා. (කලින් තිබුණෙ අවුරුදු 06 ක්. 83 ව්‍යවස්ථාවෙ තියෙන හැටියට නම් මේ ව්‍යවස්ථාව වෙනස් කරන්න ජනමතවිචාරණයක් අවශ්‍යයි.)

18 වන වගන්තිය

පාර්ලිමේන්තු මහලේකම් වරයා පත් කිරීම හෝ ඔහු වෙනුවට වැඩ බැලීමට පත් කිරීම ආණ්ඩුක්‍රම ව්‍යවස්ථා සභාවේ අනුමැතිය මත ජනාධිපතිවරයා විසින් කළ යුතු බව.

19 වන වගන්තිය

පාර්ලිමේන්තුවේ නොපැමිණි මන්ත්‍රීවරුන්ද ඇතුළත්ව බහුතරයේ යෝජනාවක් සම්මත කිරීමෙන් මිස, පාර්ලිමේන්තුව පළමු වර රැස්වී අවුරුදු 4 මාස 6 ක් ගත වන තුරු, ජනාධිපතිවරයාට විසුරුවා හැරිය නොහැක.
(කලින් තිබුණෙ අවුරුද්දක් ගත වූ පසු කියලයි.)

20 වන වගන්තිය

සෑම පණත් කෙටුම්පතක්ම පාර්ලිමේන්තුවට ඉදිරිපත් කිරීමට පෙර අවම දවස් 14 කට පෙර ගැසට් පත්‍රයේ පළ කළ යුතුය. (කලින් මේක තිබුණෙ දින 7යි. ගැසට් කිරීමෙන් ජනතාවට ඊට විරුද්ධ වීමට කාලය දීමක් සිදු වෙනවා. ඒ වගේම හදිසි පණත් විදිහට ගේන්න තියෙන ඉඩකඩත් මේ වගන්තියෙන් අයින් වෙනවා.)

21 වන වගන්තිය

ජනමතවිචාරණය ගැන 85 (2) අනු ව්‍යවස්ථාව ඉවත් කිරීම:

85 (2) තිබුණෙ -

පාර්ලිමේන්තුවෙන් ප්‍රතික්ෂේප වුනු, (ආණ්ඩුක්‍රම ව්‍යවස්ථාව වෙනස් කරන හෝ, ආණ්ඩු ක්‍රම ව්‍යවස්ථාවට අනුකූල නොවන හෝ පණතක් නොව්‍ෙ නම්) පණත් කෙටුම්පතක්, ජනාධිපතිවරයා විසින් ජනමත විචාරණයකට ඉදිරිපත් කළ හැකියි.

22 වන වගන්තිය

පාර්ලිමේන්තු මන්ත්‍රීවරයෙකු වීමට නුසුදුස්සන් - 

ආණ්ඩුක්‍රම ව්‍යවස්ථා සභාවේ අගමැති, විපක්ෂ නායක, හා කථානායක හැර අනෙක් සාමාජිකයන්,

පහත කොමිෂන් සභාවල සාමාජිකයන්:
මැතිවරණ කොමිෂන් සභාව
රාජ්‍ය සේවා කොමිෂන් සභාව,
ජාතික පොලිස් කොමිෂන් සභාව,
විගණන සේවා කොමිෂන් සභාව,
ශ්‍රී ලංකාවේ මානව හිමිකම් කොමිෂන් සභාව,
අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව,
මුදල් කොමිෂන් සභාව,
සීමා නිර්ණය කොමිෂන් සභාව,
ජාතික ප්‍රසම්පාදන කොමිෂන් සභාව,
විශ්වවිද්‍යාල ප්‍රතිපාදන කොමිෂන් සභාව,
රාජ්‍ය භාෂා කොමිෂන් සභාව.

මැතිවරණ කොමසාරිස් ජනරාල්,
රජයේ නිලධාරීන් සහ ශ්‍රී ලංකා රාජ්‍ය විගණක සේවයේ සාමාජිකයන්,
වෙනත් රටක ද පුරවැසියෙකු වන මෙරට පුරවැසියන් (ගෝඨාභය, බැසිල් සහ සරත් ෆොන්සේකාත් මේකට ඇතුළත් වෙනවා මට හිතෙන විදිහට...)

23 වන වගන්තිය

ජනාධිපතිවරණයට ඉදිරිපත් වීමට සුදුසුකම් -

වයස අවුරුදු 35 සම්පූර්ණ වීම (කලින් තිබුණෙ 30 යි)
ජනතාව විසින් දෙවරක් ජනාධිපති ධූරයට පත් කරගෙන නොතිබීම (18 වන සංශෝධනයෙන් ඉවත් කරපු මේ වගන්තිය ආපහු එකතු කරලා තියෙනවා)
පහත දැක්වෙන කාරණය:

මානසික හෝ ශාරීරික දුබලතාවක් නිසා, ධූරයේ වැඩ කළ නොහැකි බව හෝ,
ආණ්ඩුක්‍රම ව්‍යවස්ථාව උල්ලංඝනය කිරීම,
රාජ්‍ය ද්‍රෝහී වීම,
අල්ලස්,
ධූරයේ බලය අයුතු ලෙස පාවිච්චි කිරීම හෝ දූෂණය,
චරිත දූෂණය ගැන නීතිය යටතේ වැරදි,
ගැන චෝදනාවක් පාර්ලිමේන්තු මන්ත්‍රී වරයෙක් ගේ ලිපියක්, පාර්ලිමේන්තුවේ මුළු මන්ත්‍රීවරුන්ගෙන් තුනෙන් දෙකක් අත්සන් කර, (දෙකෙන් එකක් අත්සන් කර ඇත්නම්, ශ්‍රේෂ්ඨාධිකරණයෙන් විභාග කිරීම සුදුසු බව කථානායක අදහස් කරයි නම්,) කථානායක භාරගෙන,
පරීක්ෂා කිරීම සඳහා ශ්‍රේෂ්ඨාධිකරණයට ඉදිරිපත් කළ යුතුයි. 
ඒ ගැන ශ්‍රේෂ්ඨාධිකරණය පාර්ලිමේන්තුවට වාර්තා කළ විට, ජනාධිපතිවරයාට තමන්ම හෝ නීතිඥයෙක් මඟින් කරුණු දක්වන්නට පුළුවන්.
ඒ අනුව, පාර්ලිමේන්තු‍වේ මුළු මන්ත්‍රීවරු ගණනින් 2/3ක ඡන්දයෙන් සම්මත කරන යෝජනාවකින් ජනාධිපතිවරයා ඉවත් කළ හැකියි.

මේ අයුරින් ඉවත් කළ කෙනෙක් නැවත ජනාධිපති ලෙස පත් නොකළ යුතුයි කියා කලින් තිබුණු වගන්තිය, 19 වන සංශෝධනයෙන් ඉවත් කර තියෙනවා.

24 වන වගන්තිය

දේශපාලන පක්ෂයක් හෝ කණ්ඩායමක්, පාර්ලිමේන්තු මන්ත්‍රී වරයෙක් වන තම පක්ෂයේ සාමාජිකයෙකුට විරුද්ධව ගත් හෝ ගැනීමට යන විනය ක්‍රියාවක්, විභාග කරන්නට හෝ වැළැක්වීමට රිට් ආඥාවක් පැණවීමට කිසිම අධිකරණයකට බලයක් නැති බව.

(මේකට අදාළ නොවන්නේ:
පාර්ලිමේන්තුවට පත්වූ විට ඒ මන්ත්‍රීවරයා සිටි පක්ෂයෙන් ඔහු ඉල්ලා අස්වීම හෝ පහ කිරීම හෝ වෙනත් විදිහකින් සාමාජිකත්වය නතර වීමක් වුනොත්, එතැන් සිට මාසයකින් පසු එම මන්ත්‍රී අසුන හිස් වේ.

ඒ මාසය ඉකුත් වන්නට පෙර ඔහු ශ්‍රේෂ්ඨාධිකරණයට පෙත්සමක් මඟින් ඉල්ලීමක් කළොත්,
‍එය ශ්‍රේෂ්ඨාධිකරණ විනිසුරු වරු 3 දෙනෙක් විභාග කර, පෙත්සම ඉදිරිපත් කිරීම සිට මාස දෙකක් තුළ ඒ පහ කිරීම වලංගු බව තීරණය කළොත්, මන්ත්‍රී අසුන හිස් වේ.
එවිට මනාප ලැයිස්තුවේ ඊළඟට සිටි අපේක්ෂකයා ඒ අසුනට පත් වේ.)

25 වන වගන්තිය

මැතිවරණ කොමිෂන් සභාව

සාමාජිකයන් පත් කරන්නේ ආණ්ඩුක්‍රම ව්‍යවස්ථා සභාවේ නිර්දේශය මත ජනාධිපති විසිනි. (කලින් තිබුණෙ "ජනාධිපති විසිනි" කියලයි)

පහත වගන්තියත් එකතු කරලා තියෙනවා:

එක් සාමාජිකයෙක් නියෝජ්‍ය මැතිවරණ කොමසාරිස් වරයෙක් හෝ ඊට ඉහළ නිලයක සිටි මැතිවරණ දෙපාර්තමේන්තුවෙන් විශ්‍රාම ගිය අයෙක් විය යුතුයි.

කොමිෂන් සභාවේ සාමාජිකයෙකුට උපරිම මාස දෙකක් නිවාඩු දීමට ජනාධිපතිවරයාට හැක. ඒ නිවාඩු කාලයට වැඩබැලීමට පත් කළ යුත්තේ ආණ්ඩුක්‍රම ව්‍යවස්ථා සභාවේ නිර්දේශ මතය.

26 වන වගන්තිය

මැතිවරණ / ජනමතවිචාරණ කාලය තුළ පොදු දේපළ එක් අපේක්ෂකයෙකුට වාසි වන සේ හෝ වෙනත් අපේක්ෂකයෙකුට අවාසි වන පරිදි පාවිච්චි කිරීම ගැන, 18 වන සංශෝධනයෙන් ඇතුළත් කර තිබුණු පහත වගන්ති ඉවත් කිරීම.

මැතිවරණ කොමිෂන් සභාව, මැතිවරණයක් හෝ ජනමතවිචාරණයක් නියම කරන දිනයෙන් පටන් ගන්නා කාලය තුළ, මැතිවරණ කොමිෂන් සභාව නිකුත් කරන උපමාන-
මැතිවරණය හෝ ජනමතවිචාරණය ගැන සෘජුව සම්බන්ධ වූ කාරණාවලට සීමා විය යුතුයි,

රාජ්‍ය සේවයට අදාළ කාරණයකට ආණ්ඩුක්‍රම ව්‍යවස්ථාවෙන් පත් කර ඇති රාජ්‍ය සේවා ‍කොමිෂන් සභාවේ හෝ අධිකරණ සේවා කොමිෂන් සභා‍වේ සීමා වලට සෘජුව අදාළ නොවිය යුතුයි.

ඒ කියන්නෙ, මැතිවරණ ‍කොමිෂන් සභාවට ඒ ගැන තිබුණු බලතල ආපහු වැඩි කරලා තියෙනවා.

මේ ටික එකතු කරලා තියෙනවා-

නිදහස් හා සාධාරණ ලෙස මැතිවරණ හෝ ජනමතවිචාරණ පැවැතිවීමට, මැතිවරණ කොමිෂන් සභාව ගුවන් විදුලි, රූපවාහිනී, පුවත්පත් ආදියට නිකුත් කරන උපමාන වලට ප්‍රමාණවත් ප්‍රසිද්ධියක් ලබා දිය යුතුයි.

ගුවන් විහිලු සංස්ථාවේ සභාපති,
රූපවාහිනී සංස්ථාවේ සභාපති,
අයිටීඑන් එකේ සභාපති,
වෙනත් සියලු රජයට අයත් හෝ රජයේ පාලනය යටතේ ඇති ගුවන් විහිලු හෝ රූපවාහිනී නාලිකා,
සෑම පුද්ගලික ගුවන් විහිලු හා රූපවාහිනී නාලිකා පවත්වාගෙන යන ව්‍යවසායකයන්,
එම උපමාන අනුව ක්‍රියාත්මක වීම සහතික කරන සියලු පියවර ගත යුතුයි.

(මේ ගැන කලින් තිබුණ වගන්තිය මේතරම් පැහැදිලිව දක්වලා තිබුණෙ නෑ. නමුත් මේ අදහසම ඒ වගන්තියෙත් තිබුණා.)

එම උපමාන උල්ලංඝනය කළොත්,
නිසිබලධාරියෙක් පත් කිරීමට මැතිවරණ කොමිෂන් සභවට හැකියි. ඒ නිසි බලධාරියා පත් කළ අවස්ථාවේ පටන්, එම නාලිකා වල කළමනාකරණය (ඡන්ද විමසීම අවසන් වන තෙක්) නිසි බලධාරියා යටතට පවරා ගත යුතුයි.

ඒ නිසිබලධාරියාගේ බලතල හා කාර්යයන් පාර්ලිමේන්තුව නීති මඟින් පැනවිය යුතුයි.

(නීතියක් පණවනකොට, එයට අනුගත නොවුනොත් මොකද කරන්නෙ කියන එකත් තිබිය යුතුයි. මේ දක්වා එහෙම දෙයක් මේ සම්බන්ධයෙන් ආණ්ඩු ක්‍රම ව්‍යවස්ථාවෙ තිබුණෙ නෑ. ඒකත් මේ සංශෝධනයෙන් එකතු කරලා තියෙනවා.)

ගුවන් විහිලු හෝ රූපවාහිනී නාලිකාවක් හෝ පුවත්පතක් ඡන්ද විමසීමකදී එක් අපේක්ෂකයෙක් ප්‍රවර්ධනයට වැඩ කරන්නට අදහස් කරන විට,
ඡන්ද විමසීම ප්‍රකාශ කළ දින සිට දින 7 ක් ඇතුළත මැතිවරණ කොමිෂන් සභාවට දැන්විය යුතුයි. එතකොට ඒ අයට ඉහත වගන්ති අදාළ වෙන්නෙ නෑ.

27 වගන්තිය

මැතිවරණ කොමසාරිස් ජනරාල් පත්කළ යුත්තේ:
ආණ්ඩුක්‍රම ව්‍යවස්ථා සභාවේ අනුමැතියට යටත්ව,
මැතිවරණ කොමිෂන් සභාව තීරණය කරන නියමයන් හා කොන්දේසි මත, මැතිවරණ කොමිෂන් සභාව විසිනි.

(ආණ්ඩුක්‍රම ව්‍යවස්ථා සභාවේ අනුමැතියට යටත් ව කියන කොටස කලින් තිබුණෙ නෑ.)

28 වන වගන්තිය.

"ඡන්ද විමසීමකදී / ජනමත විචාරණයකදී කාර්යයන් ඉටු කරන සෑම රජයේ නිලධාරියෙක්ම, කොමිෂන් සභාවේ විධාන වලට යටත්ව ක්‍රියා කළ යුතුයි" කියන වගන්තියට පහත සඳහන් කොටසත් එකතු කරලා තියෙනවා:

කොමිෂන් සභාව සමඟ සහයෝගයෙන් කටයුතු කරන්නට අපොහොසත් වන හෝ, ඉහත පරිදි විධාන වලට යටත්ව කටයුතු නොකරන, රජයේ නිලධාරියෙකුට,
රු. ලක්ෂයකට නොවැඩි දඩයක් හා/හෝ අවුරුදු 3 කට වැඩි නොවන සිර දඬුවමකට යටත් කරනු ලැබේ.

මෙය විභාග කරන්නට සෑම මහාධිකරණයකටම බලය ඇත.

(කලිනුත් කිව්වා වගේ, වැරැද්ද කියලා විතරක් මදි. වැරැද්දට දෙන දඬුවමත් නිශ්චිතව කියන්න ඕනෙ.)

ඉතිරි කොටස මීළඟ පෝස්ටුවෙන් බලාපොරොත්තු වෙන්න...

සාතිශය සංවේගය...

සිනමාවේ පරමාදර්ශී පෞරුෂයන් කීපයක්ම සමඟිනි, මා ගැටවර විය පසු කළේ. ඒ අතර, මුලින්ම මාගේ මනසට ඇතුලු වූයේ El Cid හි චාල්ටන් හෙස්ටන් ය. එම චිත්‍රප...

ගොඩක්ම කියවපු ලිපි