Posts

Showing posts from May, 2015

ඩ්‍රැකියගෙ අඩවියෙ නිතර සැරිසරන්නෝ

අමනදීපේ කතාවක්...

Image
ඕං එකෝමත් එක කාලෙක තිබ්බා අමනදීපේ කියලා රටක්. ඒකෙ රජකම් කළේ මහා අමනෝඥ මහ රජතුමා.


දවසක්දා එතුමට අහන්න ලැබුණා, මීට කලින් හිටිය එක රජෙක් එතුමන්ගෙ බලපරාක්‍රමය ගැන කියලා තිබුණ කතාවක්.

"දැං ඉතින් මට කොරන්න බැරි රෑ දවල් කොරන එකත්, දවල් රෑ කොරන එකත් විතරයි..."

'ඒ රජා වගේද මං? මං ඕක කොහොම හරි කරනවා' කියලා හිතාගත්ත මහා අමනෝඥ මහරජතුමා, රටවැසියන්ට ආඥාවක් පැණෙව්වා.

අද පටන් අමනදීපේ සියළුම වැසියන් පස්වරුව පෙරවරු කියාද, පෙරවරුව පස්වරු කියාද වෙනස් කරගත යුතුයි. රටවැසියන්ගේ සියළුම කටයුතු ඒ අනුව වෙනස් කළ යුතුයි.

"ඒක නෙවෙයි කරනවනං..." නාකි පුරෝහිත කෙනෙක් ආඥාව ලියවන අතරෙ මහරජාගෙ කණට කරලා කිව්වා: "රටේ බඩුමිල හොඳටම වැඩිවෙලා. ඒකට පිළියමක් කරනවනං හොඳයි නේද?"

"ඇත්ත නේන්නං." මහරජා කිව්වා. "ඕකටම මේකත් ලියාපිය..."

අදපටන් අමනදීපේ තුළ විකුණන සියළුම භාණ්ඩ වල මිල රුපියලක් විය යුතුයි.

එදා පටන් අමනදීපෙ මිනිස්සු රෑට වැඩ කළා, දවල්ට නිදාගත්තා.

"අපේ රට ‍ලෝක ප්‍රසිද්ධ වෙන වැඩක් මේක. කාටද පුළුවන් වුනේ දවල් රෑ කරන්නයි, රෑ දවල් කරන්නයි. දැන් මහ රටවල එවුන් හරි තරහෙන් ඇත්…

ඩොක්ටර් වන් ෂොට් සහ ඉලෙක්ට්‍රොනික්ස් - ගජබින්නාලංකාරයෙන්...

Image
ඩ්‍රැකියාට ඩොක්ටර් මාමෙක් සිටී. එයා එසේ මෙසේ ඩොක්ටර් මාමෙක් නොවන නිසා, ඩ්‍රැකියා කවදාවත් එතුමාට අංකල් කියා අමතන්නේ නැත. ඉතාම ගෞරවයෙන් "ඩොක්ටර්" යන පදයෙන් පමණක් එතුමා සමඟ කතා කරයි. එහෙත් ඩ්‍රැකියාගේ ගජබින්නාලංකාරයෙන් නම් ඔය කිසිම නෑයෙකු ලේසියෙන් ගැළවෙන්නේ නැත.


අපේ ඩොක්ටර් දෙන බෙහෙත් වලට ලෙඩ්ඩු ඉතා ප්‍රිය කරති. එක වරක් එතුමාගෙන් බෙහෙත් ගත් විට තිබූ ලෙඩ පමණක් නොව, ඊළඟ අවුරුද්දේ හැදෙන්නට නියමිතව ඇති ලෙඩ පවා හොඳ වෙති. ඒ හින්දාම ගොඩාක් උදවිය අපේ ඩොක්ටර් හඳුන්වන්නේ "වන් ෂොට්" කියා ය.

අපේ ඩොක්ටර්, වෛද්‍ය වරයෙක් වූයේ එතුමා ගේ පියා ගේ උවමනාව මතය. නැතිනම් ඩොක්ටර් ගේ ආසාව තිබුණේ ඉලෙක්ට්‍රොනික් වැඩ වලටය. ඉතින්, ඩොක්ටර් කමේ කටයුතු කරන අතර, එතුමා එක් එක් ආකාරයේ ඉලෙක්ට්‍රොනික් වැඩද ඉතා සාර්ථක විදිහට කරති.

ඩොක්ටර් මේ මෑතකදී හිරමනයක් වාගේ දිග සහ කොට වූ ද, කන් කඩාහැලෙන්නාවූ ද බලු තඩියෙකුට පිහිට වුනෙමු. ඒ බලු තඩියා, කාලයක් තිස්සේ ඉතා නොසැළකිල්ලෙන් හැදූ එකෙක් නිසා ඩොක්ටර් ගෙන් බෙහෙත් ගැනීමට එන සෑම දෙනාම දෙස බැලුවේ සැකයෙනි. එහෙයින් සමහර ලෙඩ්ඩුන් උඩ යන පරිදි බුරන්නට බලු රාළ පැකිළුනේ නැත.

නැකැත් ගැන - 2015 වෙසක් කළාපයෙ දෙවෙනි ලිපිය

Image
ජාතක කතා පොතේ දැක්වෙන 46 වන ජාතක කතාව වන නක්ඛත්ත ජාතකය මෙවර වෙසක් කළාපයෙන් ඉදිරිපත් කරනවා.

බුදුන් වහන්සේ ජේතවනාරාමයේ වාසය කරන කාලයක, එක් ආජීවකයෙක් පිළිබඳව මේ කතාව දේශනා කළා.
සැවැත්නුවර එක් ගෙදරක දියණියක්, අසළ ගමක එක් තරුණයෙකුට යෝජනා කරලා, කැන්දාගෙන යාමට දිනයකුත් නියම කර ගත්තා. මනමාලයාගේ පියා ඒ දිනයේ නැකැත් තියේද යන්න ගැන එක ආජීවකයෙකුගෙන් විමසුවා.
ඒ ආජීවකයා, 'මගෙන් අහන්නේ නැතිව තමන්ම දින නියම කරගෙන, දැන් මගෙන් නැකැත් අහනවා' යැයි සිතා කෝප වී, "ඒ දිනයේ කිසිම නැකැතක් නෑ. කිසිම සුභ කටයුත්තකට සුදුසු නැහැ. මොනවා හරි කළොත් මහා විනාශයක් තමයි වෙන්නේ" කියා අර තැනැත්තාව බයකළා.
ඉතින් මනමාලයාගේ පැත්තේ අය එදා මනමාලිය කැන්දාගෙන එන්නට ගියේ නෑ. නගරයේ, මනමාලියගේ ගෙදර උදවිය, මඟුල් ගෙදර ලෑස්ති කරලා, මනමාලයා එනතුරු බලා හිටියා. ඉතින් මනමාලයා ආවේ නැති නිසා, වෙනත් තරුණයෙක් සොයාගෙන, එයාට ඒ ලෑස්ති කරපු මඟුල් උත්සවයෙන්ම, මනමාලිය සරණපාවා දුන්නා. (මේ වගේ දේවල් අදටත් ඉන්දියාවෙ සිද්ධ වෙනවා.)
ගම්වැසි මනමාලයාගේ පිරිස වෙනත් දිනයක සැවැත් නුවර ඇවිත්, විවාහ උත්සවය කරමුයි කීවා. එවිට සැවැත් නුවර උදවිය, "න…