Posts

Showing posts from November, 2015

ඩ්‍රැකියගෙ අඩවියෙ නිතර සැරිසරන්නෝ

මම 18 ට වැඩි දුම්පානය කරන්නෙක් වී සිටියෙමි - I was a smoker above 18

Image
දුම්බීම ගැන ලියන්න හිතාගෙන උන්නෙ කාලෙක ඉඳං. මෙන්ඩ පහුගිය ටිකේම දාල තිබ්බ කමෙන්ට් කීපයක් සහ රසිකලොජිස්ට් ගෙ මේ පෝස්ටුව ඒ කාර්යය ඉක්මන් කරවන්න දායක උනා.

මං සිගරැට් බොන්න පටන් ගත්තෙ ඒ ලෙවල් ලියලා ඉවර වුනාටත් පස්සෙයි. ඒ වෙනකොටත් අපේ ඉස්කෝ‍ලෙ සගයො කීපදෙනෙක් ම අරක්කු සහ සිගරැට් පාවිච්චිය පටන් අරං ඉවරයි. ඒත් මට ගමේ තිබුණ ප්‍රතිරූපය එක්ක මම ටිකක් විතර පරක්කු වුනා ඒ දේවලට.

අපේ තාත්තා තමයි මගෙ හිතේ උන්න ලොකුම ප්‍රතිරූපය. එයා අනුව යමින් මම ඇන්ටික් දේවලට සහ ඉතිහාසයට ලොල් බව වර්ධනය කරගත්තා. ඒ වගේම පොත් කියවීම සහ පොත් එකතු කිරීම පටන් ගත්තා, කාටුන්, මුද්දර, පරණ කාසි, පරණ හින්දි සිංදු එකතු කිරීම ත් තාත්තගෙන් මට ලැබුණු උරුමයක්. වෙන එකක් තියා මම රැවුළ කපන්නෙත් තාත්තා පාවිච්චි කරපු විදිහෙ බ්ලේඩ් තල දාන පරණ මොඩල් රේසරෙන්. තාත්තගෙ පරණ බයිසිකලේ මම මේළඟදි ආපහු අළුතෙන් පේන්ට් කරවලා හදලා ගත්තා පදින්න.

අපි දන්න දා ඉඳං තාත්තා සිගරැට් බොනවා. මට මතක ඇති කාලෙ, බ්‍රිස්ටල් එකක් රුපියල් දෙකයි. තාත්ත සිගරැට් එක උරවලා, නහයෙන් දුං යවන හැටි, දුම් වළලු යවන හැටි එහෙම අපි පොඩි කාලෙ අපිට හරිම වීර වැඩක්.

තාත්තා හෘද රෝගියෙක් …

ගමයගෙ මන්තරේ... ලංකාවෙ ජනකතාවකි.

Image
එකෝමත් එක ගමක උන්නා ගැමියෙක්. (එහෙම නැතුව ගමක නාගරිකයෙක් ඉන්නයැ? නේද?) එයා ජීවිකාව කරගත්තෙ හේනක් කොටාගෙන. කැළෑවෙ අයිනෙ කොටාගත්ත හේනෙ, ගහක් උඩ අඩි අටක් දහයක් විතර උස දෙබළක හදාගත්ත පැලක ඉඳං තමා මෙයා හේන බලාගත්තෙ.
හැබැයි, මෙයා ‘ගෙදර උන්දැට බයේ හේනට යන - ඌරට බයේ පැලෙං බිමට ‍නොබහින’ විදිහෙ මනුස්සයෙක්. ඉතිං එයා කරන්නෙ, වේලාසන රෑට කාලා කොස් කොළ නැටි පේන නොපේන ගානට කළුවර වැටීගෙන එනකොට හේනට යනවා. පැල උඩට නගිනවා. සත්තු වටිං ගොඩිං හේනට එද්දි පැල උඩ ඉඳං කෑ කෝ ගහනවා. සත්තුත් ඒ ගෝසාව ගණං නොගෙන හිතූ මනාපෙ හේනෙ බව බෝග විනාස කරලා දාලා යනවා. ඉතිං අන්තිමේ රැකුණ හේනක් නෑ.
ගෙදර බව බෝග අහේම හිංදා, නිතරම වාගේ මේ ගමයා තමුංගෙ ගෙදර ඇත්තගෙං ආඩපාලි අහනවා. උන්නැහැත් එක එක කෙම් ජාති කරනවා හේන සත්තුංගෙන් බේර ගන්න.
ඔහොම ගිහිං මෙයාට දවසක් හම්බුනා එක මන්තරයක්. හේනට ගිහිං මන්තරේ මතුරලා, ගිණි ගොඩක් ගහල තිබ්බහම, පහුවදා එළි වෙනකල් සත්තු එන්නෙ නෑ. ඒ වගේම, ඒ මන්තරේ මතුරල තියෙද්දි කාට හරි “තෝ උඩුකුරුඤ්ඤං...” කිව්වොත්, උන්දැ එතනම මැරෙනවා.
ඉතිං දැන් ගමයා හරි සතුටින්. එයාට කරන්න තියෙන්නෙ, හේනට ගිහිං මන්තරේ මතුරලා, ගිණි ගොඩක් ගහලා…

ඩ්‍රැක්‍යුලාගේ වැටීම Dracula's Fall - Historical Figure of Dracula Part - 3

Image
මෙතෙක් කොටස්
1 කොටස
2 කොටස

සමහර තුර්කි මූලාශ‍්‍ර වල වෙනත් ආකාරයකින් සඳහන් වූවද, අනෙක් සමකාලීන වංශ කථා සෑම එකක්ම පාහේ පවසන්නේ, 1462 සංග‍්‍රාමයෙන් සුල්තාන් වරයා පැරදුනු බවයි. අවසානයේ තුර්කි හමුදා කෙතරම් වේගයකින් පසුබැස්සා ද කියතොත්, 1462 ජූලි 11 වන විට සුල්තාන් වරයා ඒඩි‍්‍රයානාපොලිස් වෙත අවුත් තිබිණ. බයිසැන්ටියානු ඉතිහාසඥ කැල්කොකොන්දිල් ට අනුව, ව්ලාඩ් ගේ බාල සහෝදරයා වූ රාඩු, ඔටෝමන් වරුන් විසින් ටර්ගොවිස්ට් අගනුවර රඳවා ගොස් තිබුණි. ව්ලාඩ් ට එරෙහි පිරිස් රැුස් කර ගැනීමත්, ඔවුන් මඟින් අවසානයේ දී ව්ලාඩ් බලයෙන් පහ කොට වලාචියා හි රූකඩ පාළකයා බවට පත් වීමත් රාඩු වෙතින් අපේක්ෂා කෙරුණි.


රාඩු සහ ඔහුගේ ජැනිසරි සේනාවෙන් දෙවන මෙහ්මඩ් සුල්තාන් වරයා අපේක්ෂා කළේ  ඕනෑම දෙයක් කැප කර ඔටෝමන් අධිරාජ්‍යය ජයග‍්‍රහණය කරා ගෙනයාමයි. රාඩු සහ ඔහුගේ දරුණු ජැනිසරි බළ ඇණි වෙත, වෙඩි බෙහෙත් සහ ඩිනාර් සැපයීම සුල්තාන් වරයා විසින් අනවරතව පවත්වාගන්නා ලදි. එහෙයින් ඔවුන් හට ව්ලාඩ් ගේ බල ප‍්‍රදේශය තුළට කාවැදීම පහසු විය. අවසානයේ, මනාව සන්නද්ධ ව සිටි තම බළඇණි සමඟින් රාඩු, ව්ලාඩ් ගේ සුප‍්‍රකට රක්ෂස්ථානයක් වූ පොයිනරි බළකොටුව වටළන්නට…

අලි ප්‍රහේලිකා අංක - 3 පිළිතුරු සහ ජයග්‍රාහකයෝ...

Image
මීට කලින් පළ කෙරුණ සත්තු ප්‍රහේලිකා අංක 3 ට උත්තර දීම වෙනුවෙන් මෙන්ඩා සහ ප්‍රසන්න ප්‍රමුඛව සොහොයුරු කමෙන්ට් කරුවන් දක්වපු ඉමහත් උද්යෝගය ඉතා ඕනෑකමින් අගය කරන අතර, ඒ උදවිය නිසා මේ බ්ලොග් එකේ මෙතෙක් වැටුණු වැඩිම කමෙන්ට් ප්‍රමාණය වාර්තා වුණ බව හදපිරි ආතලයෙන් යුක්තව වාර්තා කරමි.

කලින් පෝස්ටුවේ පොරොන්දු වූ පරිදි ඒ ඒ පුරස්න වලටත් ඒ ඒ උත්තර පහතින් දක්වා ඇත.


1. ප්‍රශ්නය

ඒ ප්‍රශ්නයේ ඉන්නේ ගිරව් ය. උං කවුරු නමුත් කියන කියන දේ ම ඒ විදිහටම කියනවා මිසක් ඒකෙ ඇත්ත නැත්ත හොයන්නේ නැත.

නිවැරදි උත්තර දුන්නේ -

විදානෙ සහ රාජ්

2. ප්‍රශ්නය

කොකා උදේ පිට් එකේ පියාඹලා ආවට, අාපහු යන්නේ මහ දවල් ගිණී අව්වේය. "තමන් හිසට තම අතමය සෙවනැල්ල" කියා ඌ එක තට්ටක් හිසට උඩිං අල්ලාගෙන පියාඹයි. උදේ තටු දෙකෙන්ම පියාඹද්දී පැය දෙකක් ගියාට, දවල් එක තට්ටකින් පියාඹද්දී කාර්යක්ෂමතාවය බාගෙට බහියි. එ් නිසා පැය හතරක් ගතවෙයි.

නිවැරදි උත්තර දුන්නේ -

ඩබ්ලිව් මනෝජ් නිශ්ශංක ඩයස් විතරයි

3. ප්‍රශ්නය

කොකා අහස ග‍ොරවනවාට හෙණ බයය. අකුණක් ගහද්දී ඌ දෑතේ ඇඟිලි කණේ ගහගනියි. එතකොට පියාඹන්න බැරිවී එළකිරි වගේ පහතට වැටෙන්නේය.

මේකටත් නිවැරදි උත්තර දුන්නේ…