Posts

Showing posts from April, 2013

ඩ්‍රැකියගෙ අඩවියෙ නිතර සැරිසරන්නෝ

තාප්පයේ කතාව (දුර්ලභ ගණයේ පරණ කතාවක රිමේක් එකකි)

ගමේ බේකරියේ මුදලාලි ගජ පෝසතෙක් ය. තමන්ගේ පාඩුවේ ගුල්ලන් කැරපොත්තන් වැඩිය අඩංගු නොකර සුමිහිරි පාන්, බනිස්, කිඹුලන් ආදියත්, ඉතුරු වෙන ඒවායින් ඥාණකථා, හුළං විස්කෝතු, ඇඟිලි, විස්කිරිඤ්ඤා ආදියත් සාදමින්, ගෝලයින් ලවා ගම් කිහිපයක ම බෙදා හරිමින් පොහොසත් වූ මුදලාලි දැහැමින් සෙමෙන් සල්ලි අට්ටි ගැසූ, ටිපිකල් ගැමි මුදලාලියෙකි. බේකරියත් නිවසත් ඇතුළත් අක්කර බර ගණනක ඉඩම වටේ කටු කම්බි වැටක් ගසා තිබූ අතර, උන්නැහේ මෑතකදී පාර පැත්තේ මනරම් තාප්පයක් බැන්දෙව්වේය. එයා ඒ තාප්පෙට බොක්කෙන්ම ආදරේ ය. උදේ පාන්දරින් අවදි වන මුදලාලි, ඇඟිල්ලෙන් දත් මදිමින් පාරට බැස, හුණු පිරියමින් සුදට සුදේ බබළන තාප්පය දිහා බලාගෙන සෑහෙන වේලාවක් ගත කරන්නේය. ඊට පස්සේ රවුමක් ගසා, කෙලින්ම ගොඩ වෙන්නේ බේකරියට ය.

මේ ළඟදි කියන්නේ, ගිය අවුරුද්දේ දවසක උන්නැහැ උදෙන්ම තාප්පෙට අනිමිස ලෝචන කරන්න යද්දී තමයි ය, ඇගේ මාලු නටන සිද්දියක් දැක්කේ. තාප්පේ හරි මැද පොල්ගෙඩි අකුරෙන්,

‘සරත් පොන්සේකා නිදහස් කරනු !‘ 

කියා ලියා තිබුණේ ය.

මුදලාලි උඩ විසි වී ගිහින්, ඔලුවත් කහමින් කල්පනාවකට වැටුණා ය. (මෙගා ටෙලි වල වගේ උන්නැහැ කල්පනා කරපු දේ මට ලියා දක්වන්න නිදහසක් ත…

තෙවන සියවසේ ලක්දිව පැවති බැංකු ක්‍රමය පිළිබඳ තතු හෙළි කරන තෝනිගල ගිරි ලිපිය (දිවිතියික මූලාශ්‍ර ඇසුරිනි) - මේකත් දැනට හරියටම අවුරුදු දෙකකට කලින් සඟරාවක පළ කළ එකක් නිසා, ලියා ඇති ශෛලිය කියවීමට අපහසු වන්නේ නම් කණගාටුව පළ කරමි.

Image
පැරණි ලෝකයේ පැවති මුල්ම බැංකු, ආගමික ගොඩනැගිලි තුළ ස්ථානගත ව පැවති බව සැළකිය හැකිය. මුදල් භාවිතයට ද බොහෝ පෙර සිට පැවතුනු මේ ආයතන, ඇරඹෙන්නට ඇත්තේ ක්‍රි. පූ. තෙවන සහස්‍රයේ තරම් ඈතකදී ය. මේවායේ තැන්පතු බොහෝවිට අතිරේක ධාන්‍ය අස්වැන්න වූ අතර, පසුකාලීනව අනෙකුත් හුවමාරු ද්‍රව්‍ය වන කෘෂිකාර්මික උපකරණ, සහ රත්රන් වැනි දුර්ලභ ලෝහ වර්ග බවට මාරු විය. මෙසේ බැංකු ක්‍රමය, මුදල් භාවිතයේ පරිණාමය හා සමඟම දියුණු වූ බව පෙනේ. ආගමික ගොඩනැගිලි ශක්තිමත්ව හා කල් පවතින ලෙස තනා තිබීමත්, සොරකම් අධෛර්යවත් වන පරිද්දෙන් ඒවා වටා ගොඩනැගී පැවති සංකල්පීය විශ්වයත් හේතුවෙන් අපරදිග ලෝකයේ බැංකු ක්‍රමය, ආගමත් සමඟ අත්වැල් බැඳගෙන සංවර්ධනය විය. ජේසුතුමන් විසින් දේවස්ථානයේ සිටි මුදල් පොළී කරන්නන් පළවා හරිනු ලැබීමේ සිදුවීම මෙම තත්ත්වය පැහැදිළි කරන උදාහරණය කි.
ක්‍රි. පූ. දෙ වන සියවසේ බැබිලෝනයේ දේවස්ථාන පූජකයන් විසින් පවත්වාගෙන ගිය ණය පිළිබඳ පැහැදිළි වාර්තා දැනට හමු වී තිබේ. එසේම, ක්‍රි. පූ. 1760 පමණ කාලයට අයත් වන හමුරාබි රජුගේ නීති මගින්, බැංකු කටයුතු පාලනය කිරීමේ නීති සාධාරණීකරණය කරන්නට වෑයම් කර ඇති බව පෙනේ. මීට අමතර වශයෙන්, පුරා…

අලුත් අවුරුද්ද සහ අපේ බාල කාලේ

අපි පුංචි කාලේ ඉස්කෝලේ වාර නිවාඩුව හරියටම මාසයක් ලැබෙනවා. මාර්තු මාසෙ මුළ ඉඳන්ම මට මතකයි, මම කොළ කෑල්ලක අවුරුද්දට තව දින කීයද කිය කියා ගණන් හදාගෙන තිබුණා. දැන් මතක් වෙනකොට ඒ කාලෙට ආපහු යන්න හිතෙන තරම්.

ඉස්සර අපි මේ කාලෙට ඉස්කෝලෙ යන්න කලින් උදේ ම නැගිටලා දුවන්නෙ වත්ත පහළ තියෙන කජු ගස් යටට. අපේ වත්තෙ කජු ගස් තුනක් තිබ්බා. අපේ අයියයි, මායි, මහප්පගෙ පුතාලා තුන් දෙනයි, තරඟෙට වගේ කජු ඇහින්දෙ. ඒ අහුළන කජු වලින් ලොකු ඒවා ගණන් කරලා අයින් කරනවා. ඉතුරු වෙන පොඩි ඒවා තමයි අපිට කන්න ඉතුරු වෙන්නෙ. අවුරුද්දෙන් පස්සෙ පාර දිගේ කජු ගන්න මිනිස්සු යනවා ඒකාලෙ. මට මතකයි අයියයි මමයි එක පාරක් කජු ගෙඩි දෙසීයක් විකුණලා රුපියල් 28/- ක් ගත්තා. ඒවයින් මොනවා කළා ද කියලා මට මතක නැතත්, මගෙ ‘මුල්‘ කියන පෝස්ටුවෙ කිව්වා වගේ අපි පොඩි කාලෙ හරි දුප්පත්. ඉතින් මොනව හරි අත්‍යවශ්‍ය දේකට තමයි ඒ සල්ලි ප්‍රයෝජනයට ගත්තෙ කියල මතකයි.

කජු පුච්චලා කන එකත් හරි ආශික් වැඩේ (ඒකාලෙ භාෂාවෙන් කියනව නම්). පොල් අත්තක් කඩලා ඊට උඩින් කජු දාලා, ඊටත් උඩින් පොල් අත්තේ ඉතුරු කොටස දාලා, ගිණි තියලා, පොල් කට්ටකින් තළ තළා කජු මද එකතු කරලා, අම්මටයි තාත්…

තිසා වැව ඉවුරේ සක්වල චක්‍රය (අවුරුදු දෙකකට කලින් පත්තරේකට ලියපු එකක් නිසා, වියත් සිංහලෙන් තියෙන්නෙ. සුධීහු කමත්වා !

Image
රන්මසු උයනේ, පිහිටි සුප්‍රකට නාන පොකුණු පසුකර යන්නෙකුට, තිසා වැවේ වෑකන්දට මුහුණලා පිහිටි ගල් කුළක කැටයම් කර ඇති සංකීර්ණ ආකෘතියක් දැක ගත හැකි වේ. සිරස්ව නැගෙන ගලෙහි බටහිර මුහුණතේ, කටුවෙන් සහ මිටියෙන් කොටන ලද රේඛා මගින් සටහන් කර ඇති මෙම කැටයම ජ්‍යාමිතික වශයෙන් නිවැරදි වෘත්තයකි. මෙම ගල්කුළ ඉදිරිපිට පැතිරි ගල් තලාවෙහි කැටයම ට ඉදිරියෙන්, ආසන වැනි ව්‍යුහ හතරක් කපා තිබේ. පළමුවෙන් ම මෙම ස්ථානය ගැන වාර්තා කරන බෙල් මහතා ට අනුව, මෙය එවක සාහිත්‍යයේ සඳහන් සක්වළ සටහනක් හෙවත්, ලෝක සිතියම කි. තවත් අයෙකුට අනුව, රජවරුන්ගේ මඟුල් උයනේ පැවති තන්ත්‍ර හෝම හෙවත් සුරතෝත්සව වල භාවිත වූ තන්ත්‍ර සටහනකි, නොඑසේනම් මහායාන මන්ත්‍ර පඨනය හෝ භාවනා සඳහා උපකාර කොටගත් සටහන කි. තවත් අයෙකුට අනුව, මෙය සුවිසල් ඉංජිනේරු ඉදිකිරීමක හෝ වාරි කර්මාන්තයක සැළැසුමක් ද විය හැක. නොඑසේනම්, මිනිස් මනසේ විශ්ලේෂණාත්මක සටහනක් වන්නට පුළුවන. විශ්ව ව්‍යාප්ත චමත්කාරය සොයා යන්නෙකුට මෙය අධිමානසික ශක්තියෙන් විවර වූ ද බාහිර විශ්වය සමග සහ මිහිපිට දුර්ගම ස්ථාන සමග සන්නිවේදන සහ ප්‍රවාහන කටයුතු ඉටු කෙරුණු තාරකා දොරටුවක් හෙවත් ස්ටාර් ගේට් එකකි.
අඩි 06ක වි…