Saturday, October 21, 2017

මෞයි ගැන කතා - පොලිනීසියානු / මඕරි ජනකතා

මෞයි කියන්නෙ, පොලිනීසියානු ආදීතම ගවේෂකයෙක් හෝ ගවේෂකයන් කණ්ඩායමක් හෝ එහෙමත් නැත්නම් කලින් කලට බිහිවුණු ගවේෂකයන් ගැන පුරාවෘත්ත එකතු වෙලා හැදුණු චරිතයක් කියල හිතන්න පුළුවන්. මෙයා මොආනා චිත්‍රපටියෙ ඩ්වේන් (ද රොක්) ජොන්සන් ගෙ හඬකැවීම සමඟින් පෙනීහිටිනව. ඒකෙ පින්තූරයක් තමයි පහළ තියෙන්නෙ.

https://jonnegroni.com/wp-content/uploads/2017/02/772619.jpg?w=798
අද මං කියන්න යන්නෙ මෙන්න මෙතනිං මෞයි ගැන කියවන්න ලැබුණු කතා ටිකක්.

මෞයි ගෙ උපත

මෞයි එයාගෙ දෙමාපියන් වුනු මකෙයටුටාරා සහ ටරන්ගා ට ලැබුණු පස්වෙනි දරුවා. එයා උපදිනකොට ගොඩක්ම අවවර්ධිත දරුවෙක්. ඒකියන්නෙ අඩු මාසෙන් උපන් දරුවෙක්. එයා ජීවත් කරවන්න පුළුවන් වෙයි කියල කවුරුවත් හිතුවෙ නෑ. ඒ නිසා එයාගෙ අම්මා, ටරන්ගා තමන්ගෙ කෙස්ගස් කීපයකින් මේ දරුවව ගැටගහල, මුහුදට දැම්ම.

https://img00.deviantart.net/1cb0/i/2017/100/a/9/
tattoo_maui_adobe_animate_moana_cosplay_by_
pikkolapungu-db5b5pl.jpg

මේ සිදුවීම නිසා තමයි මෞයි ගෙ සම්පූර්ණ නම වන මෞයි-ටිකිටිකි-අ-ටරන්ගා (මෞයි-ටරන්ගාගෙ මුදුනෙ ගැටය) කියන නම එයාට ලැබුණෙ. මැරන්න තිබුණා උනත්, මෞයි මැරුණෙ නෑ. මුහුදේ දෙවිවරු එයාව මුහුදු පැළෑටි වලින් එතුවා. රංගි හෙවත් අහසේ දෙවියන් මෞයි ගෙ ළදරුවිය ගතවනතුරු බලා හදා ගත්ත. ඒ විදිහට මෞයි අර්ධ දෙවියෙක් වුනා.

වැඩුණු ළමයෙක් විදිහට මෞයි ආපහු එයාගෙ පවුල වෙත ආව. එයා දැකපු අම්මා හොඳටම කලබල වුනා. මෞයි ගෙ මායාකාරී දක්ෂකම්, ඒ කියන්නෙ එයාට පුළුවන් කම තිබුණා එක එක වෙනස් ස්වරූප වලට හැරෙන්න, ඒවා දැකපු පවුලෙ අය පුදුම වුනා. 

සහෝදරයො ටික මෞයි පිළිගන්න කැමති උනේ නෑ. ඒත් එතන හිටපු වැඩිමල්ම කෙනා කිව්වා, “මිත්‍රශීලී වාතාවරණයකදි අපේ ආරවුල් මිත්‍රශීලීව විසඳගත යුතුයි. සටනකදි අපේ තුවාල වලට පිළියම් යොදන්න වෙන්නෙ භීෂණයෙන්ම තමයි. මේක අපේ යහපතට හේතු වෙනව. අපි කෑම හොයන්න ඕනෙ අනික් අයටත් කවන්නයි. අපි දේපළ රැස්කරන්න ඕනෙ අනික් අයටත් දෙන්නයි. ඒ විදිහට කිරීමෙන් අපි අනික් අයගෙ යහපත සළසනවා.“

හිරු ඇල්ලීම

මෞයි ට දෙමාපියන්ගෙන් ලැබුණු සැළකිලි නිසා එයාගෙ අනික් සහෝදරයන් හතර දෙනා එච්චර හිත හොඳකින් නෙවෙයි හිටියෙ. ඒත් මෞයි ඒ අය පොළඹවාගත්ත තමුන් ට උදව් කරන්න එක වීරකමක් කරන්න. ඒ වීරකම තමයි, ටමනුයිටෙරා හෙවත් හිරු, අහස හරහා යන වේගය අඩු කරල, දිවාකාලය දික් කරගන්න එක. එතකොට සහෝදරයන්ට තමංගෙ දිනපතා කෑම හොයාගන්න ප්‍රමාණවත් කාලයක් ලැබෙනව.

මෞයි ඉස්සෙල්ලම එයාට දෙවිවරු කියාදීපු ශිල්පයක් වන, හණ ලණු ඇඹරීම අයියලට කියා දුන්න. ඒ අය දවස් පහක් තිස්සෙ දැවැන්ත ලණු තොගයක් ගෙතුවා.

ඊට පස්සෙ සහෝදරයො පස්දෙනා ගියා හිරු නැගෙන තැන හොයාගෙන. පොළොවෙ කෙළවරක තිබුණු වළකින් තමයි හිරු උදෙම්ම එළියට එන්නෙ.(පොලිනීසියානු විශ්වාසය)  එතන වලෙ වටේ කූඩාරම් හදාගත්ත සහෝදරයො පස්දෙනා, වතුර ඉහළ මැටි අනල පොඩි තාප්පයකුත් හදාගත්ත කූඩාරම් හිරු රස්නෙන් බේරගන්න. ඊට පස්සෙ ගෙනියපු හණ ලනු වලිං තොන්ඩුවක් හදල වල කට මැදට වෙන්න අටවලා තිබ්බ. ඉරගෙ ඔලුවයි උරිස් දෙකයි තොණ්ඩුවෙන් උඩට ආව ගමං මෞයි සංඥා කළා අයියලට, ලණුව අදින්න කියල. වළ ගාව රැකල හිටපු මෞයිගෙ සහෝදරයො හතර දෙනා හිරුට යන්න නොදී රඳවගත්ත. මෞයි අතේ තිබුණ, එයාගෙ ආච්චිගෙ හණු ඇටය. ඒක තමයි එයා ආයුධයක් විදිහට පාවිච්ච කළේ. ඒකෙන් එයා හිරු ට හොඳටම පහර දුන්න. මෞයිගෙ කෙළවරක් නැති බැට දීම් වලින් හොඳටම දුර්වල වුණු හිරු මෞයිට පොරොන්දු වුනා එතැන් පටන් අහස දිගේ කලින්ට වඩා හෙමින් යන්න. කොහොමත්, ඒ කාපු පාරවල් වල හැටියට එයාට යන්න පුළුවන් වුනේ බඩගාගෙන තමයි කියලයි කියන්නෙ.

https://img00.deviantart.net/1cb0/i/2017/100/a/9/
tattoo_maui_adobe_animate_moana_cosplay_by_
pikkolapungu-db5b5pl.jpg

මෞයි ගෙ මාලු ඇල්ලීම

මෞයි හරිම දක්ෂයි මාලු අල්ලන්න. එයා හැමදාම ඔරුව පිරෙන්න මාලු අල්ලනව. ඒත් එයාගෙ සහෝදරයන්ට ඒ අයගෙ පවුල් වල කෑමට ඇතිවෙන්න වත් මාලු අල්ලන්න පුළුවන් වුනේ නෑ. ඒනිසා ඒ අය මෞයිව මගහැරල මාලු බාන්න යන්න පිටත් වෙන්න උත්සාහ කළා.

ඒත් නෑනල ටික මෞයිට කිව්වා ඒ අයට ඇති වෙන්න මාලු ලැබෙන් නැති බව. ඉතිං දවසක් මෞයි පොරොන්දු වුනා “ඔයාලට නරක් වෙනකල්වත් කාල ඉවර කරන්න බැරි තරම් ලොකු මාලු තොගයක් මං අල්ලල දෙන්නං“ කියල. එහෙම කියල එයා අර කියපු හණූ ඇටයෙ පතුරක් තුඩට හිටින්න බිලී කොක්කක් හදාගත්ත. ඒකත් අර එයා සහෝදරයන්ගෙ ඔරුවෙ පතුලෙ දාල තියෙන පැදුරු යට හැංගුනා.

ඉතිං වෙනද වගේම සහෝදරයව මගඇරල අයියල ටික ඔරුව දියත් කළා. දියඹට ගියාට පස්සෙ තමයි දන්නෙ මල්ලිත් ඔරුවෙම ඉන්නව කියල.  ඒත් දැං කරන්න දෙයක් නෑනෙ හිස් අතිං ආපහු වෙරළට යන්න බෑ. අයියල ටික ගොඩක් මහන්සි වෙලා මාලු ටිකක් අල්ලගත්තට පස්සෙ මෞයි යෝජනා කළා ගොඩබිම පේන්නැති තරම් ඈතට යමු කියල. එහෙම ගිහිං එයා ඔරුවෙ දාගෙන එන්න පුළුවන් තරමට මාලු තොගයක් අල්ලල දෙන්නං කියල කිව්ව.

එහෙම ගිහිං මෞයි ඔරුව පිරිල ඉතිරිල යන්න මාලු ඇල්ලුව. ඊටපස්සෙ එයා එයාගෙ නහයට ගහගෙන, නහයෙන් ආපු ලේ බිලීකොක්කෙ තවරලා මුහුදට දැම්ම. ඒ පාර බිලී යොත බොහොම තදින් ඇදුන. ඒ යොත කොච්චර තදින් ඇද්දද කියනවනං, ඔරුව පෙරළෙන්නම වගේ ගියා. කොහොමහරි මෞයි ඇදල ඇදල උඩට ඇදල ගත්ත මහා විසාල මාලුවෙක්. ඒකා පූජනීය මාලුවෙක් බව සළකපු මෞයි, ආපහු ගොඩබිමට ගියා පූජකයෙක් එක්කරන් එන්න. කරන්න ඕනෙ යාග හෝම ටික කරලම මාලුව කපමු කියල සහෝදරයින්ට කිව්ව, මං එනකං මාලුව කපන්න එපා කියල.

ඒත් මෞයි එනකල් හිටියෙ නෑ අයියල ටික. තම තමංගෙ කොටස් වෙන්කරගන්න ඒ අය මාලුවව කැපුව. ඒකෙන් මාලුවා වේදනාවෙන් ඇඹරිලා ගියා.

නවසීලන්ත දූපත් වලින් උතුරු දූපතට මඕරි වරු කියන්නෙ ටෙ ඉකා අ මෞයි හෙවත් මෞයි ගෙ මාලුවා කියල. අයියලා මාලුවා කපද්දි ඇඹරුනු නිසා යි කියනව ඒ දූපතේ කඳු නිම්න ඇති උනේ. මල්ලි කියපු දේ අයියල ඇහුවනම් උතුරු දූපත තැනිතලාවක් විදිහට මිනිස්සුන්ට ගමනාගමනයට පහසු තැනක් වෙන්න තිබුණ කියල කියනව.

http://donnadowney.typepad.com/.a/6a00d83451929069e2019101c3320b970c-800wi
අකුරු පැහැදිලි නෑ. පින්තූරය මත ක්ලික්
කරලා විශාල කරගත්තනම් හරි

මඕරි වරු කියන විදිහට දකුණු දූපත තමයි මෞයි ගෙ ඔරුව. ඒනිසා ඒ දූපතට කියන සාමාන්‍ය මඕරි නම වුනු ටෙ වයිපෞනමු ට අමතරව, ටෙ වක-අ-මෞයි හෙවත් මෞයි ගෙ ඔරුව කියන නම භාවිත වෙනව. පහළ තියෙන ස්ටුවර්ට් දූපත, ඔරුවෙ නැංගුරම් ගල. මැද හරියෙ දකුණු අත පැත්තෙ තියෙන බෑන්ක්ස් අර්ධද්වීපය තමයි මාලුවව අදිද්දි මෞයි පය ගහපු තැන. උතුරු දූපතේ මැද හරියෙ දකුණු වෙරළෙ තියෙන හෝකී බොක්ක සැළකෙන්නෙ ටෙ මටාවු අ මෞයි හෙවත් මෞයිගෙ බිලීකොක්ක කියලයි.

https://img00.deviantart.net/1cb0/i/2017/100/a/9/
tattoo_maui_adobe_animate_moana_cosplay_by_
pikkolapungu-db5b5pl.jpg

මෞයි ගින්දර හොයාගත්ත හැටි සහ මරණය පරාද කරන්න ගිය හැටි ගැන මීළඟ කොටසකින් ලියන්නම්...

මූලාශ්‍ර:
https://en.wikipedia.org/wiki/M%C4%81ui_(M%C4%81ori_mythology)
http://www.maori.info/maori_history.htm
http://eng.mataurangamaori.tki.org.nz/Support-materials/Te-Reo-Maori/Maori-Myths-Legends-and-Contemporary-Stories/How-Maui-slowed-the-sun

37 comments:

  1. Replies
    1. ගොඩාාාක් ස්තූතියි ගුණසිංහ මහත්තය...

      Delete
  2. නවසීලන්තයේ අයිති කාරයෝ මෞරි ජාතිකයන්. ඒ ගොල්ලන් ශක්තිමත් වගේම ඉක්මනින් තරහ යන කොටසක්. අපේ 1815 උඩරට ගිවිසුම වාගේ එකකින් සුද්දෝ ඒගොල්ලත් රවටලා තියෙනවා. කොහොම උනත් නවසීලන්තය ගැන ලියපු හොද කතාවක් .

    ReplyDelete
    Replies
    1. මේ ගැන සමරසේකර මහත්තෙය හොඳ අධ්‍යයනයක් කරල වගේ. නවසිලන්තෙ මෑත ඉතිහාසය ගැන මං මොකුත්ම දන්නෑ. මං හෙව්වෙ ජනප්‍රවාද ගැන විතරයි. නරකද ඔබතුමා මේ ගැන මොනව හරි ලිව්වොත්?

      Delete
  3. Replies
    1. ස්තූතියි ස්තූතියි... මොකද උනේ තාප්පෙට?

      Delete
    2. //මොකද උනේ තාප්පෙට?//???

      Delete
    3. https://www.facebook.com/drackey.junior/posts/668363993371005

      Delete
  4. මාත් ෆිලුම බැලුවට පස්සේ ඉතිහාසය අවුස්සල බැලුවා. මේකේ මොආනා කියන චරිතය සම්බන්ධ ජනකතා තියෙන්නේ හවායි දූපත් ආශ්‍රිතව. විත්‍රපටිය හදන්න කලින් විශාල පර්යේෂණයක් කරල තියෙනවා මේ විස්තර හොයාගන්න. මෞයි ගේ තරම දැක්කම මට මතක් වෙන්නෙම මෞර්‍ය රාජ්.. හැක්

    ReplyDelete
    Replies
    1. මට සෙට් උනේ නෑ මොආනාගෙ පුරාවෘත්ත. හොයන්ඩ ඕනෙ. ඒ ගැන මොනව හරි ලියනවකො අප්ප... පාලුව යන්ඩත් එක්ක.

      මෞයි ගෙ තරම නෙමේ, නම දැක්කත් ඇති රාජ්ව මතක් වෙන්ඩ. අපේ පුතන්ඩිය කියන්නෙ මෞයි ට “තඩි මාමා“ කියල.

      Delete
  5. සම්පූර්ණ නම කියෝගන්නම මට විනාඩි පහක් විතර ගිය.. මෞයිත් ඩ්‍රැකියගෙ ගඡබින්නාලංකාරයට ගැලපෙන කෙනෙක්නෙ බලංගියාම.

    ReplyDelete
    Replies
    1. ඒහ්... ලෝකෙ තියෙන පුරාවෘත්ත හැම එකක්ම වගේ ඔහෙම තමා. වැඩිහරිය තියෙන්නෙ අතිශයෝක්තිය.

      සම්පූර්ණ නම කිව්වෙ මෞයි ටිකිටිකි අ ටරන්ගා ද? ඒකෙ මොකද්ද අමාරුව? ඉස්සෙල්ල උගෙ මුල් නම තියෙනව. ඊට පස්සෙ කාසි දෙකක් බිම වැටෙන සද්දෙ, ඊට පස්සෙ “අ“ යන්න, ඊටත් පස්සෙ උගෙ අම්මගෙ නම...

      Delete
  6. ටිකක් වෙනස් විදියේ ලිපියක් උනත් එය අපූරුයි.
    විචාරක දියණිය

    ReplyDelete
    Replies
    1. මා ගාව නෑ නගා එකම විදිහෙ ලිපි... හැක්.

      ස්තූතියි.

      Delete
  7. මේ නම ලිව්වා හරිද? එතකොට අපි ඒක කියවන්න ඕන මොයියි කියලද? මං හිතන්නෙ මෞයි ගෙ අම්මා සිංහල කාන්තාවක්. උන්දැගෙ නම "ටරන්ගා" නොව "තරංගා" වෙන්න ඇති. බෝට්ටුවෙන් ඕස්ට්‍රේලියාවට යද්දි අතරමංවෙලා නවසීලන්තෙට ගහගෙන ගිය කෙනෙක් වෙන්න පුළුවන්. ඇගේ පරම්පරාවෙ අය වෙන්න පුළුවන් කාන්තාවො තවමත් ඉඳ හිටලා ළමයි ගඟේ මුහුදෙ දානවනෙ. හැබැයි ඒ අය ළමයි ගැටගහන්නෙ නෑ. මෙව්වා කියෙව්වම අන්තිමට හිතෙන්නේ "අපට ටෙක මොයි" කියලයි.

    ReplyDelete
    Replies
    1. නම තියෙන්නෙ maui කියල. ඒක ශබ්ද වෙන විදිහ සිංහලට ගත්තහම, ඉස්සර මිහිර පත්තර වල යන ඉංග්‍රීසි පාඩම් වල තියෙනව වගේ, ලියන්ඩ වෙන්නෙ “මඋයි“ කියල. ඒ උනාට ඒ ශබ්දය අපිට කෙලිම්ම දෙන්ඩ තරං පොහොසත් පණකුරු තියෙනවනෙ අපේ භාෂාවෙ...

      මටත් අර නම ඉස්සෙල්ලම දැක්කහම කියවුනේ තරංගා කියල. අර රෙකෝඩ් බාර් එකක් තියෙන්නෙ...

      හැබෑට ළමය ගැටගැහුවෙ මොකද දන්නෑ... සමහරවිට අර නම දෙන්ඩ ඕනෙ හින්ද වෙන්ඩැති?

      Delete
  8. අගේ ඇති කතාවක්.
    අර කිවුවත් වගේ බොලාටම හරියන එකෙක් තමයි මෞයි කාරයත්.

    මෞයි නිකං னයි වගේ කියල හිතෙන්නැද්ද. හැක්..

    ReplyDelete
    Replies
    1. හලෝ ප්‍රසන්න බායි. ඔයා දැං අපි එක් කතා කරන්නෙත් නෑ. එන්නකෝ තංගල්ල පැත්තේ..

      Delete
    2. මගේ තංගල්ලෙ යාලුවෙක් ලොලිපොප් කාල මලා බං.

      Delete
    3. ප්‍රසන්න,

      ...සදාදර னයෝ ඔබේ මංගල දිනේ
      මත්පැන් නැතත් මෙසේ ආවා ප්‍රියේ...

      මෞයි ගෙ වැඩ වගේ තමයි අපේ වැඩත් හරිය...?

      දේශකය,

      දැං අමුඩ ගහන්නෑනෙ... සපෝටරේ කියල කාඩ් එක වෙනස් කරගං

      ආයි ප්‍රසන්න,

      තංගල්ලෙ බැංකුවට අත පෙවීම තහනම්!

      Delete
  9. හරි හරි ඉතිං පොලිනීසියානු ජනකතාමයි කියමු. උඹ මේක මූණු පොතේ එක යට එක යට අච්චර වාර ගානක් ෂෙයා කරලා තිබ්බේ මොකෝ? මට උඹව් අ අන්ෆ්‍රෙන්ඩ් කරන්නති හිතිලා ඒත් ප්‍රවුඩ් හැමනියන් කෙනෙක් නිසා නිකා හිටියා. ෂෙයා බටන් එක ඔබන කොට අත වෙව්ලනවා නං ගෙදර වෙන කාට හරි කියපිය

    ReplyDelete
    Replies
    1. උඹට බැණලා ඉවරවෙලා කියෙව්වෙ බං. උඹේ උත්සාහය ඉතාම සාර්ථකයි. මම ඉහත ප්‍රකාශය ඉල්ලා අස්කරගන්නවා. උඹ කැමති වාර ගනනක් ෂෙයා කරපං.

      Delete
    2. ...සිත රිදවන වදන්වලට හඬන්නට එපා
      ඇණුම් බැණුම්වලට මගේ තැවෙන්නට එපා...

      මේකනෙ උනේ සෑර්...

      මං මේක ෆේස්බුක් එකේ මං ඉන්න ගොඩක් ගෘප්වල ෂෙයා කළා එක දිගට. ඉතිං එව්වයෙ හෙන්රිත් ඉන්නව ඇති. ඒක හිංද එකදිගට දහයක් විතර එකම පෝස්ට් එක දකින්ඩ ලැබෙනව... (හැක් හැක් හොඳ වැඩේ!)

      ගොඩක් ස්තූතියි හෙන්රි... ඒ අගය කිරීම මට රුපියල් මිලියන දෙහෙකට වඩා වටිනව

      Delete
  10. කියවන්න ගිහිං ටිකක් දිව ටැපලුනාට පාඩු නෑ මරු කතා ටික. ජයවේවා !!

    ReplyDelete
    Replies
    1. දිව පැටලෙන්නෙ පොලිනීසියන් නම් වලට නේ? ඒකට කරන්ඩ වෙන්නෙ අර ඩේවිඩ් කරුණාරත්නගෙ පරිවර්තනවල වගේ ඒ නම් සිංහලට හරවන එකයි. මතකද ඉලියිඩ් එකේ පරිවර්තනයෙ තිබුණ නම්? “කිරීට දිවයිනයට කිරීටයක් බඳු ඉදමාන“, “දයාමද“, “හේතුක“, “පරීස“ වගේ මේකෙත් නම් ටික සිංහල කරමු?

      Delete
  11. නියමයි ඩ්‍රැක්... අර ඉතුරු ඒ කියපු කතා ටිකත් බලන්න මග බලන් ඉන්නව⁣ා..
    ජය

    ReplyDelete
    Replies
    1. ඉතුරු කොටස් බරගාණක් තියෙනව මයිය. කොහොම හරි ලියන්නං. අන්තිමේ කියහං, ...දෑස රිදෙනවා - පාර බලා ඉඳලා... කියල.

      Delete
  12. පිස්සු හැදෙනවා ඒ මුවී එක නේද? සිරාවටම අම්ම දැනගෙන හිටියේ නැහැ මේක ඇත්තම පුරාවෘතයක් බේස් කරගෙන හදපු එකක් කියලා. ෆිල්ම් එක නම් ඉස්තරම්. පෝස්ටුවත් ඉස්තරම්!

    Excellent..
    Thanks

    ReplyDelete
    Replies
    1. සිරාවට... කොච්චර පිස්සු හැදුනද කිව්වොත්, මේ වෙනකොට මං හතළිස් පාරක්වත් ඒක බලල ඇති. අපේ පොඩ්ඩත් හරි අාසයි “අක්ක බබයි, තඩිමාමයි බෝට්ටුවෙ යනව“ බලන්ඩ. ඒකෙ මං ආසම එක තමයි අර මොආනගෙ කිරිකිත්තල ටිකක් බෝට්ටු වල යන ගමං කියන සිංදුවට. ඇඟ හිරිවැටෙනව ඒකට...

      ගොඩක් ස්තූතියි ලිඛිතා... උඩ දේශකය කියල තියෙන්නෙ මොආනත් පුරාවෘත්තයක් කියල... හොයන්ඩ ඕනෙ.

      Delete
    2. ආ.. මමත් ආස ඒ සින්දුවට... ඒ සින්දුවේ තියෙන්නේ මාර කික් එකක් නේද? ආයේ මම කැමතියි මෝනා සිංදුවට. කෙල්ලෙක්ගෙ හීනයක් කියන්නේ කොතරම්ම අහිංසක දෙයක්ද කියලා හොඳට පෙන්වන කතාවක්.
      මාව කොහොමත් ඩිස්නි චිත්‍රපට පිස්සු වට්ටනවා... Zootophia අනිත් එක

      Delete
    3. මේක දැකලා draft එකේ තිබ්බ මොආනා ගේ කවිය ඔන්න මම දැම්මා..

      Delete
    4. ඔයාට කියන්න, මේකට ලියන්නෙ මොනවද කියල මං මෙච්චර වෙලා කල්පනා කළා. ඒ සිංදුව ඇත්තටම පපුවට වදිනව හරියට පිහියක් වගේ. ඒකෙ එක තැනක තියෙනව, “තාත්ත බලාපොරොත්තු වෙන විදිහෙ දුවෙක් වෙන්න මට පුළුවං. ඒත් මගෙ හදවතෙන් කියන්නෙ වෙන අදහසක්. මට මේ මොකද වෙලා තියෙන්නෙ? ...“ වගේ අදහසක්.

      සූටෝපියා මාත් ආසම එකක්. දන්නවද ඒනෙ නික් වයිල්ඩ ගෙ නමම තියෙන මැජික් කාරයෙක් ඉන්නව now you see me ෆිල්ම් එකේ.

      ඔයා තව ආස ඇති inside out ෆිල්ම් එකටත්. ඒකෙත් තියෙන්නෙ නව යොවුන් වියේ ඉන්න ගෑණු ළමේක්ගෙ මනසෙ ඇතිවෙන වෙනස්කම් ගැන.

      අර කවියට ලිංක් එකත් දාන්න. මොකද, මං ඔයාගෙ ප්‍රොෆයිල් එක ක්ලික් කළාට ඔයාගෙ බ්ලොග් එකට ලිංක් එකක් හොයාගන්න බැරි උනා. නැත්තං ඔයා ඒක දැම්මෙ ෆේස්බුක් එකේද?

      Delete
  13. හුටා දැන් moana හොයාගෙන බලපංකො ඉතිං. කොහෙද උඹලා වගේ නොසන්ඩාලයෝ අපේ data ටික ඉතුරු කර ගන්න දෙන්නේ නෑනේ ඉතිං.

    මේක සුපිරි ලියවිල්ලක් බං! උඹේ මහන්සිය අපතේ ගිහිං නෑ. ජයවේවා !!!

    ReplyDelete
    Replies
    1. හැක් හැක්... අර මං උඩම දාල තියෙන්නෙ ටොරන්ට් එකට ලිංක් එක. ඒ ෆිල්ම් එක බැලීමත් අපතෙ යන්නෑ උදය...

      ගොඩක් ස්තූතියි!

      Delete
  14. හම්මට.. දැන් ගජබින්නයක් තියෙයි දැන් තියෙයි වගේ බැලුවේ.. අර ඕල්බ්ලැක්ස් උන් මැච් එහෙකට කලිං හායි හූයි ගාලා කියන මාඕරී සිංදු වලට එහා මෙලෝ ලබ්බක් මං මේ ගැන දැනන් උන්නේ නෑ.. දැං ෆිලුම බලන්න ආසයි

    ReplyDelete
    Replies
    1. අර කියපු හායි හූයි එක ඇවිල්ල, “හකා“. ඔක කියනකොට මට මතක් වෙන්නෙම හකෙ වස්තුව (https://drackey.blogspot.com/2016/06/journey-of-valampuri.html)

      මං උඩම ෆිල්ම් එකේ නමට ලිංක් කරල තියෙනව ටොරන්ට් එක. බාගෙන බලන්ඩ. අපතෙ යන්නෑ.

      ගජබින්න කියන්නෙ ඔය පුරාවෘත්ත වගේම තමා. වෙනස තියෙන්නෙ නිර්මාණය කරපු කාලයෙ විතරයි.

      Delete

කියවලා ඔයගොල්ලන් දෙන අදහස් මට මාර හයියක්...!

හුදෙක් ආතල් එක සඳහා පමණි

ඩ්‍රැකියා වෙසක් කළාපය ලිය ලියා ඉන්න අතරෙ, හිතේ පොදි ගැහී තෙරපි තෙරපී තිබූ ආතල් කතා වස්තු ටිකක් පොසොන් කළාපයට කලින් එළියට දාන්න ම ඕනෙ කියලා හ...